റോം: ഇറ്റലിയില്‍ ഹെലികോപ്റ്റര്‍ തകര്‍ന്നു വീണ് ആറ് പേര്‍ മരിച്ചു. മധ്യ ഇറ്റലിയിലെ അബ്രുസോ മേഖലയില്‍ ആണ് അപകടമുണ്ടായത്. സ്‌നോ റൈഡിംഗിനിടെ പരിക്കേറ്റ ആളെ ലാ അക്വിലായിലുള്ള ആശുപത്രിയിലേക്ക് കൊണ്ടുപോകും വഴി കാമ്പോ ഫെലിസ് സ്‌കൈ സ്റ്റേഷന് സമീപമുള്ള മഞ്ഞുമലയില്‍ കോപ്റ്റര്‍ തകര്‍ന്നു വീഴുകയായിരുന്നു.

അപകട കാരണം വ്യക്തമല്ല. കനത്ത മൂടല്‍മഞ്ഞിലേക്ക് കടന്ന ഹെലികോപ്റ്റര്‍ ഉഗ്രശബ്ദത്തോടെ പൊട്ടിത്തെറിച്ചതായി ദൃക്‌സാക്ഷികള്‍ പറഞ്ഞു.