മണ്ണഞ്ചേരി: പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി വേറിട്ട പരിപാടിയുമായി തമ്പകച്ചുവട് ഗവ:യു പി സ്‌കൂള്‍. വിദ്യാഭ്യാസ സംരക്ഷണത്തിനായി ചങ്ങല തീര്‍ക്കുന്നതോടൊപ്പം പൊതുസമൂഹത്തെ വിദ്യാലയത്തിലേയ്ക്ക് ആകര്‍ഷിക്കുന്നതിനായി 27ന് രുചിക്കൂട്ട് ഭക്ഷ്യമേളയും സംഘടിപ്പിക്കും.
രാവിലെ 9.30ന് മന്ത്രി പി തിലോത്തമന്‍ ഉദ്ഘാടനം ചെയ്യും. പഞ്ചായത്ത് പ്രസിഡന്റ് തങ്കണിഗോപിനാഥ് അധ്യക്ഷത വഹിക്കും.പ്രീ-പ്രൈമറി വാര്‍ഷികാഘോഷം പി എ ജുമൈലത്ത് ഉദ്ഘാടനം ചെയ്യും. സംസ്ഥാന അധ്യപാക അവാര്‍ഡ് ജേതാവ് റ്റി ജി സുരേഷിനെ ആദരിക്കും. ജില്ല വിദ്യാഭ്യാസ ഡെപ്യൂട്ടി ഡയറക്ടര്‍ വി അശോകന്‍ മുഖ്യപ്രഭാഷണം നടത്തും. ചേര്‍ത്തല എ.ഇ.ഒ എം.വി സുഭാഷ് സമ്മാനദാനം നിര്‍വഹിക്കും. ഉച്ചയ്ക്ക് 12ന് പ്രീ-പ്രൈമറി കുട്ടികള്‍ അവതരിപ്പിക്കുന്ന ശലഭോത്സവം.
28ന് രാവിലെ 9.30ന് അധ്യാപക രക്ഷകര്‍തൃ സംഗമവും സ്‌കൂള്‍ വാര്‍ഷിക സമ്മേളനവും എ.എം ആരിഫ് എം.എല്‍.എ ഉദ്ഘാടനം ചെയ്യും. ആര്യാട് ബ്ലോക്ക് പഞ്ചായത്ത് പ്രസിഡന്റ് ഷീന സനല്‍കുമാര്‍ അധ്യക്ഷത വഹിക്കും. പഞ്ചായത്ത് പ്രസിഡന്റ് തങ്കമണി ഗോപിനാഥ് മുഖ്യപ്രഭാഷണം നടത്തും. അനിതകുമാരി റിപ്പോര്‍ട്ട് അവതരിപ്പിക്കും. ചേര്‍ത്ത ബി.പി.ഒ എം എന്‍ ഹരികുമാര്‍ സമ്മാനദാനം നിര്‍വഹിക്കും. ഉച്ചയ്ക്ക് 12ന് സ്‌കൂള്‍ കുട്ടികളുടെ വിവിധ കലാപരിപാടികള്‍ മാരിവില്ല്-2017. വൈകിട്ട് 6ന് പൂര്‍വ്വ വിദ്യാര്‍ത്ഥികളുടെ കലാപരിപാടികള്‍. ഭക്ഷ്യമേളയിലൂടെ ലഭിക്കുന്ന തുക നിര്‍ധന രോഗികള്‍ക്കും സ്‌കൂള്‍ വികസന പ്രവര്‍ത്തനങ്ങള്‍ക്കും വിനിയോഗിക്കുമെന്ന് ഹെഡ്മാസ്റ്റര്‍ പി ജി വേണു,എസ് എം സി വൈ:പ്രസിഡന്റ് അണ്ണാദുരൈ, എം ഷാനവാസ്, വി ആര്‍ ബിജിമോള്‍, പി ആര്‍ യേശുദാസ് എന്നിവര്‍ വാര്‍ത്താസമ്മേളനത്തില്‍ പറഞ്ഞു.