തിരൂര്‍: അധികാരം ലഭിച്ചെന്നു കരുതി നാട്ടിലെ സമാധാനാന്തരീക്ഷം തകര്‍ക്കാന്‍ സി.പി.എം ശ്രമിക്കരുതെന്ന് നിയുക്ത എം.എല്‍.എ സി മമ്മുട്ടി. പറവണ്ണയില്‍ വീടുകള്‍ക്കും കടകള്‍ക്കും വാഹനങ്ങള്‍ക്കും നേരെയുള്ള സി.പി.എം ആക്രമണത്തില്‍ പ്രതികരിക്കുകയായിരുന്നു അദ്ദേഹം.
പാവങ്ങള്‍ക്കു നേരെയുള്ള സി.പി.എമ്മിന്റെ അഴിഞ്ഞാട്ടം എന്തിനു വേണ്ടിയാണ്. അധികാരം കൈയിലെത്തുമ്പോഴേക്കും അക്രമം അഴിച്ചുവിടുന്ന ശൈലി ശരിയല്ലെന്നും അദ്ദേഹം വ്യക്തമാക്കി. സംഭവത്തില്‍ സമഗ്ര അന്വേഷണം വേണമെന്നും ശക്തമായ നടപടി സ്വീകരിക്കാന്‍ പൊലിസ് തയ്യാറാകണമെന്നും പ്രതികളെ പിടികൂടി മാതൃകാപരമായി ശിക്ഷിക്കണമെന്നും മുസ്‌ലിം ലീഗ് നേതാക്കളായ സി മുഹമ്മദാലി, ജനറല്‍ സെക്രട്ടറി വെട്ടം ആലിക്കോയ, കെ.പി ഷാജഹാന്‍, സി.എം.ടി ബാവ, ഉസ്മാന്‍ പറവണ്ണ എന്നിവര്‍ ആവശ്യപ്പെട്ടു.