കാസര്‍കോട്: ട്രെയിനില്‍ കയറുന്നതിനിടയില്‍ വീണു വിദ്യാര്‍ഥിനിക്കു പരുക്കേറ്റു. മംഗളൂരു സെന്റ് അലോഷ്യസ് കോളജിലെ വിദ്യാര്‍ഥിനി ആലംപാടിയിലെ മറിയം തസ്‌രീഫക്കാണു പരുക്കേറ്റത്. ഇവരെ കാസര്‍കോട്ടെ സ്വകാര്യാശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം രാവിലെ 7.15 ഓടെ കാസര്‍കോട് റെയില്‍വേ സ്റ്റേഷനിലാണു സംഭവം. മംഗളൂരുവിലെ കോളജിലേക്കു പോകുന്നതിനായി ചെറുവത്തൂര്‍ മംഗളൂരു പാസഞ്ചര്‍ ട്രെയിനില്‍ കയറുന്നതിനിടയില്‍ ട്രെയിന്‍ നീങ്ങിത്തുടങ്ങിയിരുന്നു.
ഇതോടെ പിടിവിട്ടു വീഴുകയായിരുന്നു. സംഭവം കണ്ട അടുത്ത കോച്ചിലെ യാത്രക്കാര്‍ അപായ ചങ്ങല വലിച്ചു ട്രെയിന്‍ നിര്‍ത്തിച്ചു. തുടര്‍ന്ന് ഇവരെ ട്രെയിനിന്റെ അടിയില്‍ നിന്നു പുറത്തേക്കെടുത്ത് ആശുപത്രിയില്‍ പ്രവേശിപ്പിക്കുകയായിരുന്നു.