പള്ളിക്കല്‍: പ്രബോധന വീഥിയില്‍ പൈതൃകം കാത്തുസൂക്ഷിക്കണമെന്ന് സമസ്ത ജനറല്‍ സെക്രട്ടറി കെ ആലിക്കുട്ടി മുസ്‌ലിയാര്‍ പറഞ്ഞു. പള്ളിക്കല്‍ റൊട്ടിപ്പീടിക എസ്.കെ.എസ്.എസ്.എഫ് 16-ാം വാര്‍ഷികത്തോടനുബന്ധിച്ചു നടന്ന സൈനുല്‍ ഉലമയുടെയും കോയക്കുട്ടി ഉസ്താദിന്റെയും അനുസ്മരണ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
വേദിയില്‍ വെച്ച് എസ്.വൈ.എസ് റൊട്ടിപ്പീടിക ശാഖാ കമ്മിറ്റിയുടെ റമളാന്‍ കിറ്റ് വിതരണ ഉദ്ഘാടനവും അദ്ദേഹം നിര്‍വഹിച്ചു. മുഹമ്മദ് ശരീഫ് ഫൈസി അധ്യക്ഷനായി.
കുഞ്ഞിസീതിക്കോയ തങ്ങള്‍ ദുആ മജ്‌ലിസിന് നേതൃത്വം നല്‍കി.
സയ്യിദ് ഫഖ്‌റുദ്ധീന്‍ ഹസനി തങ്ങള്‍, മുനിര്‍ ഹുദവി വിളയില്‍, ഇസ്ഹാഖ് ബാഖവി, അഷ്‌റഫ് ഫൈസി, ശംസുദ്ദീന്‍ ഫൈസി സംസാരിച്ചു.