അലനല്ലൂര്‍: ചുണ്ടോട്ടുകുന്ന് ക്ലസ്റ്റര്‍ പരിധിയിലെ സ്‌കൂളുകളിലെ നാലാം ക്ലാസ് വിദ്യാര്‍ഥികള്‍ക്കുള്ള എല്‍.എസ്.എസ് സമഗ്ര പരിശീലനം എടത്തനാട്ടുകര മൂച്ചിക്കല്‍ ഗവ.എല്‍.പി സ്‌കൂളില്‍ ആരംഭിച്ചു. അലനല്ലൂര്‍ ഗ്രാമ പഞ്ചായത്തുമായി സഹകരിച്ചാണ് എല്‍.എസ്.എസ് സമഗ്ര പരിശീലനം സംഘടിപ്പിക്കുന്നത്. അലനല്ലൂര്‍ ഗ്രാമപഞ്ചായത്ത് പ്രസിഡന്റ് വി. ഗിരിജ ഉദ്ഘാടനം ചെയ്തു. ഗ്രാമപഞ്ചായത്തംഗം എന്‍. ഉമ്മര്‍ ഖത്താബ് അധ്യക്ഷനായി. ഗ്രാമപഞ്ചായത്തംഗങ്ങളായ കുന്നുമ്മല്‍ സുനിത,സി. മുഹമ്മദാലി മാസ്റ്റര്‍, കെ. ഗീതാ ദേവി, സി. എം. സുജാത, സി. മുസ്തഫ, പി.പി.കെ മുഹമ്മദ്, പി. അബ്ദുസ്സലാം പ്രസംഗിച്ചു. ജനുവരിയിലെ മുഴുവന്‍ അവധി ദിവസങ്ങളിലും കാലത്ത് 10 മുതല്‍ 3.30 വരെയാണ് പരിശീലനം.