റിയാദ്: വര്‍ഗീയതയും വംശീയതയും ദുരന്തമാകുന്ന വര്‍ത്തമാനത്തില്‍ മാനവികതയും രാജ്യ പുരോഗതിയും സൗഹാര്‍ദ്ദത്തിലും സഹിഷ്ണുതയിലുമാണെന്നും ഉണര്‍ത്താന്‍ റിപ്പബ്ലിക് ദിനത്തില്‍ തിരഞ്ഞെടുത്ത
കേന്ദ്രങ്ങളില്‍ എസ്‌കെഎസ്എസ്എഫ് നടത്തുന്ന മനുഷ്യ ജാലികയോട് ഐക്യ ദാര്‍ഢ്യം പ്രഖ്യാപിച്ചു സഊദിയിലെ 25 കേന്ദ്രങ്ങളില്‍ ജനുവരി 27 നു മനുഷ്യജാലിക നടക്കുമെന്ന് സമസ്ത കേരള ഇസ്‌ലാമിക് സെന്റര്‍ സഊദി നാഷണല്‍ കമ്മിറ്റി ഭാരവാഹികള്‍ അറിയിച്ചു.

ഇതോടനുബന്ധിച്ചു മത -സാംസ്‌കാരിക രംഗത്തെ പ്രമുഖര്‍ പങ്കെടുക്കുന്ന 'ഫാസിസം ജനാധിപത്യത്തെ വിഴുങ്ങുമോ' സിമ്പോസിയവും സംഘടിപ്പിക്കുമെന്ന് ഭാരവാഹികളായ അബൂബക്കര്‍ ഫൈസി ചെങ്ങമനാട്, അലവിക്കുട്ടി ഒളവട്ടൂര്‍, അബ്ദുറഹ്മാന്‍ മൗലവി ഓമാനൂര്‍, സൈദ് ഹാജി തുടങ്ങിയവര്‍ അറിയിച്ചു.