കൊല്‍ക്കത്ത: ഇന്ത്യന്‍ സൂപ്പര്‍ ലീഗ് പോരാട്ടത്തില്‍ അമ്ര ടീം കൊല്‍ക്കത്ത- എഫ്.സി ഗോവ പോരാട്ടം 1-1ന് സമനിലയില്‍ പിരിഞ്ഞു. കളിയുടെ നാലാം മിനുട്ടില്‍ റോബി കീനിന്റെ ഗോളില്‍ എ.ടി.കെ ലീഡെടുത്തെങ്കിലും 24ാം മിനുട്ടില്‍ കൊറോയിലൂടെ ഗോവ സമനില സ്വന്തമാക്കുകയായിരുന്നു.
അത്‌ലറ്റിക്കോയ്ക്ക് ജയം
മാഡ്രിഡ്: ടീമിലേക്കുള്ള തിരിച്ചുവരവ് ഡീഗോ കോസ്റ്റ ഗോള്‍ നേട്ടത്തോടെ ആഘോഷിച്ച പോരാട്ടത്തില്‍ അത്‌ലറ്റിക്കോ മാഡ്രിഡിന് തകര്‍പ്പന്‍ ജയം.
സ്പാനിഷ് കിങ്‌സ് കപ്പ് പോരാട്ടത്തില്‍ അത്‌ലറ്റിക്കോ മറുപടിയില്ലാത്ത നാല് ഗോളുകള്‍ത്ത് ലെയ്ഡ എസ്‌പോര്‍ത്യുവിനെ തകര്‍ത്തു.
സൂപ്പര്‍ താരങ്ങളായ കോസ്റ്റ, ടോറസ്, ഗ്രിസ്മാന്‍ എന്നിവരും ഡീഗോ ഗോഡിനും അത്‌ലറ്റിക്കായി വല ചലിപ്പിച്ചു. മറ്റ് മത്സരങ്ങളില്‍ സെവിയ്യ 2-0ത്തിന് കാഡിസിനെ പരാജയപ്പെടുത്തിയപ്പോള്‍ വലന്‍സിയ- ലാസ് പല്‍മാസ് പോരാട്ടം 1-1ന് സമനില.