ദോഹ: അല്‍ ജസീറയുടേതെന്ന വ്യാജേന സോഷ്യല്‍ മീഡിയകളില്‍ വരുന്ന വാര്‍ത്തകള്‍ക്കെതിരെ ജാഗ്രത പുലര്‍ത്തണമെന്ന് അല്‍ ജസീറ ചാനല്‍ ആവശ്യപ്പെട്ടു.

ആളുകളെ തെറ്റിദ്ധരിപ്പിക്കുന്നതും ശരിയല്ലാത്തതുമായ രീതിയിലുമുള്ള വാര്‍ത്തകളാണ് അല്‍ ജസീറയുടേതെന്ന പേരില്‍ സോഷ്യല്‍ മീഡിയകളില്‍ വ്യക്തികള്‍ക്കിടയിലും ഗ്രൂപ്പുകളുമായി പ്രചരിക്കുന്നതെന്ന് ചാനല്‍ വാര്‍ത്താ കുറിപ്പില്‍ പറയുന്നു.

ഇത്തരം വാര്‍ത്തകള്‍ അല്‍ ജസീറയുടെ വിശ്വാസ്യത തകര്‍ക്കാന്‍ ഉദ്ദേശിച്ചുള്ളതാണെന്നും അവ പ്രചരിപ്പിക്കാന് അല്‍ ജസീറ ഇറാന്‍ എന്ന ട്വിറ്റര്‍ അക്കൗണ്ടാണ് ഉപയോഗിക്കുന്നതെന്ന് കണ്ടെത്തിയതായും അല്‍ ജസീറ വാര്‍ത്താ കുറിപ്പില്‍ അറിയിച്ചു.