അന്തമാന്‍: ആത്മീയത തകര്‍ന്നതാണ് മുസ്‌ലിം സമുദായം ഇന്ന് അനുഭവിക്കുന്ന ദുരന്തങ്ങള്‍ക്ക് കാരണമെന്ന് സയ്യിദ് മുഹമ്മദ് കോയ തങ്ങള്‍ ജമലുല്ലൈലി പറഞ്ഞു. എസ്.കെ.എസ്.എസ്.എഫ് അന്തമാന്‍ ഘടകം സംഘടിപ്പിച്ച മദദെ മദീനയില്‍ സംസാരിക്കുകായിരുന്നു അദ്ദേഹം. ഇന്ത്യയിലെ വിവിധ ഭാഗങ്ങളില്‍ നിന്നും ഉയരുന്ന വാര്‍ത്തകള്‍ ആശങ്കാജനകമാണ്. മൂല്യങ്ങളില്‍ ഉറച്ച് നില്‍ക്കുന്നവര്‍ക്ക് മാത്രമേ വിജയം ഉണ്ടാകുകയുള്ളൂവെന്നും തങ്ങള്‍ പറഞ്ഞു.
അന്തമാനില്‍ എത്തിയ സയ്യിദ് മുഹമ്മദ് കോയ തങ്ങള്‍ക്ക് അന്തമാന്‍ റെയ്ഞ്ച് ജംഇയ്യത്തുല്‍ മുഅല്ലിമീന്റെ നേതൃത്വത്തില്‍ സ്വീകരണം നല്‍കി.
വിവിധപരിപാടികള്‍ക്ക് സമസ്ത അന്തമാന്‍ പ്രസിഡന്റ് എം. സുലൈമാന്‍ ഫൈസി, അബ്ദുസ്സലാം ദാരിമി, ഹനീഫ്, സയ്യിദ് ഒ.എം.എസ് സീതിക്കോയ തങ്ങള്‍, യൂസുഫ് ഖാസിമി, മുഹമ്മദ് റഫീഖ് ഖാസിമി നേതൃത്വം നല്‍കി