കോഴിക്കോട്: എസ്.കെ.എസ്.എസ്.എഫ് സംസ്ഥാന സമിതി ഇബാദ് ജില്ലാ, മേഖലാ, ക്ലസ്റ്റര്‍ ഭാരവാഹികള്‍ക്കായി നടത്തുന്ന ദ്വിദിന ദഅ്‌വാ ക്യാംപ് നാളെ തുടങ്ങും. വൈകിട്ട് 6.30നു വരക്കല്‍ മഖാം സിയാറത്തോടെയാണ് ക്യാംപ് ആരംഭിക്കുക. സിയാറത്തിന് എ.വി അബ്ദുറഹ്മാന്‍ മുസ്‌ലിയാര്‍ നന്തി നേതൃത്വം നല്‍കും.
തുടര്‍ന്നു നടക്കുന്ന ക്യാംപ് പാണക്കാട് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. ഉമര്‍ ഫൈസി മുക്കം ആമുഖഭാഷണം നടത്തും.
മുഹിബ്ബുല്ല ചെന്നൈ, റഹ്മത്തുല്ല ഖാസിമി മൂത്തേടം, ജലീല്‍ റഹ്മാനി വാണിയന്നൂര്‍, ഡോ. സാലിം ഫൈസി കൊളത്തൂര്‍, ആസിഫ് ദാരിമി പുളിക്കല്‍, സാജിഹു ഷമീര്‍ അസ്ഹരി, ഷരീഫ് പൊന്നാനി എന്നിവര്‍ ക്ലാസെടുക്കും.
സംസ്ഥാന ജന. സെക്രട്ടറി സത്താര്‍ പന്തലൂര്‍ സമാപന സന്ദേശം നല്‍കും. എസ്.വൈ.എസ് സംസ്ഥാന ജന. സെക്രട്ടറി സയ്യിദ് മുഹമ്മദ് കോയ ജമലുല്ലൈലി തങ്ങളുടെ പ്രാര്‍ഥനയോടെ 28നു വൈകിട്ട് അഞ്ചിന് ക്യാംപ് സമാപിക്കും. നേരത്തെ റജിസ്റ്റര്‍ ചെയ്ത ക്യാംപ് അംഗങ്ങള്‍ നാളെ വൈകിട്ട് ആറിനു മുന്‍പായി എത്തണമെന്നു ഭാരവാഹികള്‍ അറിയിച്ചു.
പാണക്കാട് ചേര്‍ന്ന ഇബാദ് സംസ്ഥാന സമിതി യോഗത്തില്‍ അബ്ബാസലി ശിഹാബ് തങ്ങള്‍ അധ്യക്ഷനായി.
ഡോ. സാലിം ഫൈസി, ആസിഫ് ദാരിമി, സാജിഹു ഷമീര്‍ അസ്ഹരി, ഷരീഫ് പൊന്നാനി, അബുറശീദ് ബാഖവി, അഹമ്മദുണ്ണി കാളാച്ചാല്‍, അബ്ദുല്ല റഹ്മാനി കാസര്‍കോട്, ഹസ്സന്‍ ദാരിമി കണ്ണൂര്‍, സുഹൈല്‍ വാഫി വയനാട്, ഹാഷിം തങ്ങള്‍ ഹുദവി പാലക്കാട്, റഫീഖ് ചെന്നൈ, മുഹമ്മദ് പനോളി, സി.കെ അബ്ദുറസാഖ് പൊന്നാനി, ഖയ്യൂം മാസ്റ്റര്‍, സ്വദഖത്തുള്ള ഹസനി, മുഹമ്മദ് ജൗഹര്‍ പങ്കെടുത്തു.