പട്ടികജാതി, പട്ടികവര്‍ഗ റെസിഡന്‍ഷ്യല്‍ എജ്യൂക്കേഷന്‍ സൊസൈറ്റിയുടെ ആഭിമുഖ്യത്തില്‍ പട്ടികജാതി, പട്ടികവര്‍ഗ വികസന വകുപ്പുകളുടെ കീഴില്‍ വിവിധ സ്ഥലങ്ങളില്‍ പട്ടികജാതി, വര്‍ഗ വിദ്യാര്‍ഥികള്‍ക്കായി പ്രവര്‍ത്തിക്കുന്ന 25 മോഡല്‍ റെസിഡന്‍ഷ്യല്‍, ആശ്രമം സ്‌കൂളുകളില്‍ അഞ്ച്, ആറ് ക്ലാസുകളിലേക്കുള്ള പ്രവേശനത്തിന് അപേക്ഷ ക്ഷണിച്ചു.

പ്രവേശനപരീക്ഷ ഫെബ്രുവരി 18നു രാവിലെ പത്തു മുതല്‍ 12വരെ വിവിധ കേന്ദ്രങ്ങളില്‍ നടത്തും. കുടുംബ വാര്‍ഷികവരുമാനം ഒരു ലക്ഷം രൂപയോ അതില്‍ കുറവുള്ളതോ ആയ വിദ്യാര്‍ഥികള്‍ക്ക് അപേക്ഷിക്കാം. പ്രാക്തന ഗോത്ര വര്‍ഗക്കാര്‍ക്ക് പ്രവേശനപരീക്ഷ ബാധകമല്ല. അപേക്ഷാഫോമുകളുടെ മാതൃക ജില്ലാ പട്ടികജാതി വികസന ഓഫിസുകള്‍, ഐ.ടി.ഡി പ്രൊജക്ട് ഓഫിസ, ട്രൈബല്‍ ഡെവലപ്‌മെന്റ് ഓഫിസ് എന്നിവിടങ്ങളില്‍ ലഭിക്കും. പൂരിപ്പിച്ച അപേക്ഷ ഫെബ്രുവരി മൂന്നുവരെ സമര്‍പ്പിക്കാം.