കോഴിക്കോട്: ജില്ലാ സി ഡിവിഷന്‍ ഫുട്‌ബോള്‍ ചാംപ്യന്‍ഷിപ്പില്‍ ഇന്നലെ നടന്ന ആദ്യമത്സരത്തില്‍ യങ് ഇന്ത്യന്‍സ് ഒന്നിനെതിരേ മൂന്നു ഗോളുകള്‍ക്ക് മലബാര്‍ ക്രിസ്ത്യന്‍ കോളജ് സ്‌കൂളിനെ പരാജയപ്പെടുത്തി. യങ് ഇന്ത്യന്‍സിന് വേണ്ടി റഫ്‌സല്‍, ഫസല്‍, നൗഫല്‍ എന്നിവരും എം.സി.സി.ക്ക് വേണ്ടി പ്രണവും ഗോള്‍ സ്‌കോര്‍ ചെയ്തു.
രണ്ടാമത്തെ മത്സരത്തില്‍ സെപ്റ്റ് എതിരില്ലാത്ത രണ്ടു ഗോളുകള്‍ക്ക് യങ് ജംപ്‌സിനെ പരാജയപ്പെടുത്തി. ഇനായത്തും ഫവാദും ഗോള്‍ സ്‌കോര്‍ ചെയ്തു. അവസാന മത്സരത്തില്‍ ഇന്‍ഡിപെന്‍ഡന്‍സ്, സോയൂസ് ടീമുകള്‍ ഓരോഗോള്‍ വീതമടിച്ച് സമനിലയില്‍ പിരിഞ്ഞു. ഇന്‍ഡിപെന്‍ഡന്‍സിന് വേണ്ടി മുസാഫിറും സോയൂസിന് വേണ്ടി സാഹിദും ഗോള്‍ സ്‌കോര്‍ ചെയ്തു.