നാദാപുരം: ആധാറില്ലാത്തതിനാല്‍ വിവിധ ആനുകൂല്യങ്ങള്‍ക്ക് അപേക്ഷ നല്‍കാനാവാതെ കിടപ്പുരോഗികള്‍ ദുരിതത്തില്‍. അറുപതു വയസ് കഴിഞ്ഞ മുതിര്‍ന്ന പൗരന്മാര്‍ക്ക് കേന്ദ്ര സംസ്ഥാന സര്‍ക്കാരുകള്‍ സുരക്ഷാ പെന്‍ഷന്‍ പദ്ധതികള്‍ നടപ്പാക്കിയിട്ടു@ണ്ട്.
600 രൂപ മുതല്‍ 1000രൂപ വരെയാണ്  മാസത്തില്‍ പെന്‍ഷനായി ലഭിക്കുക. കൃഷി ഭവന്‍, പഞ്ചായത്ത് എന്നിവ വഴിയാണ് പദ്ധതി നടപ്പാക്കുന്നത്. ക്ഷേമ പെന്‍ഷനുകള്‍ക്ക് സമര്‍പ്പിക്കേ@ണ്ട രേഖകളില്‍ ആധാര്‍ നിര്‍ബന്ധമാണ്.
എന്നാല്‍ വര്‍ഷങ്ങളായി കിടപ്പിലായ രോഗികള്‍ക്ക് പരസഹായമില്ലാതെ പുറത്തിറങ്ങാന്‍ പറ്റാത്തതിനാല്‍ ഇതുവരെ ആധാര്‍ എടുക്കാന്‍ കഴിഞ്ഞിട്ടില്ല. ഇതേ തുടര്‍ന്നു മറ്റു മുതിര്‍ന്ന പൗരന്മാര്‍ക്ക് ലഭിക്കുന്ന വാര്‍ധക്യ പെന്‍ഷന്‍, കാര്‍ഷിക പെന്‍ഷന്‍, സ്ത്രീകള്‍ക്കുള്ള വിധവാ പെന്‍ഷന്‍ എന്നിവ നഷ്ടമാകുന്നു. നിലവില്‍ അക്ഷയ കേന്ദ്രങ്ങള്‍ വഴിയാണ് ആധാര്‍ എന്റോള്‍ നടത്തുന്നത്.
ഇത്തരം രോഗികള്‍ക്ക് ആധാര്‍ ലഭ്യമാക്കാന്‍ വീടുകളിലെത്തിയുള്ള സേവനം വേണമെന്നാവശ്യം ശക്തമായിരിക്കുകയാണ്.