കൊടുവള്ളി: വിദ്യാഭ്യാസ രംഗത്തു പിന്നാക്കം നിന്നിരുന്ന ഒരു ജനതയെ കൈപിടിച്ചുയര്‍ത്തിയത്് ദിര്‍ഘവീക്ഷണമുള്ള മുസ്‌ലിം ലീഗ് നേതൃത്വമാണെന്നു മുസ്‌ലിം യൂത്ത് ലീഗ് സംസ്ഥാന പ്രസിഡന്റ്് മുനവ്വറലി ശിഹാബ് തങ്ങള്‍ പറഞ്ഞു. വര്‍ത്തമാന കാലത്തെ വെല്ലുവിളികള്‍ അതിജീവിക്കാന്‍ വിദ്യാസമ്പന്നരായ യുവതയെ വാര്‍ത്തെടുക്കണമെന്നും അദ്ദേഹം അഭിപ്രായപ്പെട്ടു.
കൊടുവള്ളി മണ്ഡലം മുസ്‌ലിം യൂത്ത് ലീഗ് സംഘടിപ്പിച്ച സ്വീകരണ യോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മണ്ഡലം യൂത്ത് ലീഗ് കമ്മിറ്റി നടപ്പാക്കുന്ന എജ്യു സ്മാര്‍ട്ട് പദ്ധതിയുടെ ബ്രോഷര്‍ പ്രകാശനം തങ്ങള്‍ നിര്‍വഹിച്ചു.
മണ്ഡലം പ്രസിഡന്റ് ടി. മൊയ്തീന്‍ കോയ അധ്യക്ഷനായി. സംസ്ഥാന ട്രഷറര്‍ എം.എ സമദ്് മുഖ്യപ്രഭാഷണം നടത്തി. സംസ്ഥാന സ്‌കൂള്‍ യുവജനോത്സവത്തില്‍ മാപ്പിളപ്പാട്ടില്‍ എ ഗ്രേഡ് നേടിയ ആദില്‍ കളരാന്തിരിക്ക് വി.എം ഉമ്മര്‍ മാസ്റ്റര്‍ ഉപഹാരം നല്‍കി.
നജീബ് കാന്തപുരം, പി.ജി മുഹമ്മദ്, പി.ടി അബ്ദുറഹ്മാന്‍കുട്ടി മാസ്റ്റര്‍, പി.സി അഹമ്മദ് ഹാജി, സൂപ്പര്‍ അഹമ്മദ്കുട്ടി ഹാജി, എ.പി മജീദ് മാസ്റ്റര്‍, എം.എ ഗഫൂര്‍ മാസ്റ്റര്‍, വി.കെ റഷീദ് മാസ്റ്റര്‍, എ.കെ കൗസര്‍, പി. അനീസ്, ഒ.കെ ഇസ്മായില്‍, ഇഖ്ബാല്‍ കത്തറമ്മല്‍, നൗഷാദ് പന്നൂര്‍, ഷമീര്‍ മോയത്ത്, മിഹ്ജഅ് നരിക്കുനി, എ. ജാഫര്‍, എം. നസീഫ് , സിജി ട്രെയിനര്‍ അഷ്‌റഫ് സംസാരിച്ചു. റഫീഖ് കൂടത്തായ് സ്വാഗതവും സി.കെ റസാഖ് മാസ്റ്റര്‍ നന്ദിയും പറഞ്ഞു.