മേപ്പാടി: പുത്തൂര്‍വയല്‍ വിനായകക്കടുത്ത് സ്വകാര്യ വ്യക്തി അര ഏക്കര്‍ വയല്‍ മണ്ണിട്ട് നികത്തി.
വയല്‍ നികത്തലിനെതിരെ നാട്ടുകാര്‍ ജില്ലാ കലക്ടര്‍ക്ക് പരാതി നല്‍കി. രണ്ട് കൈതോടുകള്‍ ഉള്‍പ്പെടെ മണ്ണിട്ട് നികത്തിയിട്ടുണ്ട്.
കല്‍പ്പറ്റ വില്ലേജ് പരിധിയില്‍പെടുന്ന സ്ഥലമാണിത്. വില്ലേജ് രേഖയില്‍ നിലം എന്നാണ് രേഖപ്പെടുത്തിയിട്ടുള്ളത്.
യാതൊരുവിധ അനുമതിയും തേടാതെയാണ് വയല്‍ നികത്തിയിട്ടുള്ളതെന്ന് കല്‍പ്പറ്റ വില്ലേജ് ഓഫിസര്‍ പറഞ്ഞു.
സ്റ്റോപ്പ് മെമ്മോ നല്‍കിയതായും മണ്ണിട്ട് നികത്തിയ കൈ തോടുകള്‍ നേരത്തെയുള്ള നിലയിലാക്കാന്‍ നിര്‍ദേശം നല്‍കിയതായും വില്ലേജ് ഓഫിസര്‍ പറഞ്ഞു.