ഗൂഡല്ലൂര്‍: ഗൂഡല്ലൂര്‍ നഗരസഭയിലെ ഗൂഡല്ലൂര്‍ തുപ്പുട്ടിപേട്ടയിലെ നൂറില്‍പ്പരം വീടുകളില്‍ ട്രാന്‍സ്‌ഫോര്‍മറില്‍ നിന്ന് അധിക വൈദ്യുതി പ്രവഹിച്ച് ഇലക്‌ട്രോണിക് ഉപകരണങ്ങള്‍ കത്തിനശിച്ചു. ടി വി, ഫ്രിഡ്ജ്, വാഷിന്‍മെഷീന്‍, ബള്‍ബ്, മിക്‌സി, ഗ്രൈന്‍ഡര്‍ തുടങ്ങിയ വീട്ട് ഉപകരണങ്ങളാണ് നശിച്ചത്. റേഷന്‍ കടകളിലെ ഇലക്‌ട്രോണിക് തുലാസും കേടു വന്നിട്ടുണ്ട്.
ഇതുസംബന്ധിച്ച് ഉടമകള്‍ വൈദ്യുതി ബോര്‍ഡ് അധികൃതര്‍ക്ക് പരാതി നല്‍കിയിട്ടുണ്ട്. ഇതേത്തുടര്‍ന്ന് വലിയ നഷ്ടമാണ് ജനങ്ങള്‍ക്ക് ഉണ്ടായിരിക്കുന്നത്.