തലപ്പുഴ: ചിറക്കര കുമരംപുത്തൂര്‍ ഉസ്താദ് നഗറില്‍ നടന്ന തലപ്പുഴ റെയ്ഞ്ച് ഇസ്‌ലാമിക് കലാമേളയില്‍ ചേരിയമൂല നജാത്തുല്‍ ഇസ്‌ലാം മദ്‌റസ ഒന്നാം സ്ഥാനം നേടി. ചേലക്കാട് അബ്ദുല്ല മുസ്‌ലിയാര്‍ മെമ്മോറിയല്‍ എവറോളിങ് ട്രോഫിയും റണേഴ്‌സ് അപ്പിനുള്ള കൊപ്പര സൂപ്പി മെമ്മോറിയല്‍ എവറോളിങ് ട്രോഫി മുനവിറുല്‍ ഇസ്‌ലാം മദ്‌റസയും നേടി. സമാപന സമ്മേളനം റെയ്ഞ്ച് ട്രഷറര്‍ യൂസുഫ് ഫൈസി വാളാട് ഉദ്ഘാടനം ചെയ്തു. നിസാര്‍ ദാരിമി അധ്യക്ഷനായി. സംസ്ഥാന കലോത്സവത്തില്‍ അറബി ഗാന മത്സരത്തില്‍ ഒന്നാം സ്ഥാനം നേടിയ മുഹമ്മദ് ഷാരൂഖിന് മാനന്തവാടി മുന്‍സിപ്പല്‍ കൗണ്‍സിലര്‍ ഹുസൈന്‍ കുഴിനിലം ഉപഹാരം നല്‍കി. കണ്‍വീനര്‍ റഷീദ് ദാരിമി സ്വാഗതവും ജാഫര്‍ മാസ്റ്റര്‍ നന്ദിയും പറഞ്ഞു.