കല്‍പ്പറ്റ: ഹയര്‍ സെക്കന്‍ഡറി കരിയര്‍ ഗൈഡന്‍സ് സെല്‍ എം.എസ് സ്വാമിനാഥന്‍ ഫൗണ്ടേഷന്‍, ശാസ്ത്രസാഹിത്യപരിഷത് എന്നിവയുടെ സഹകരണത്തോടെ നടത്തുന്ന ജലസംരക്ഷണ പ്രചാരണത്തിന്റെ ഭാഗമായി ഇന്ന് 3000 എന്‍.എസ്.എസ് വളണ്ടിയര്‍മാര്‍  ജില്ലയിലെ 15000 വീടുകളില്‍ സര്‍വെയും ബോധവല്‍ക്കരണവും നടത്തും. ജലസംരക്ഷണത്തിന്റെ പ്രാധാന്യം ഉള്‍കൊള്ളിച്ചുകൊണ്ടുള്ള ലഘുലേഖകളും വിതരണം ചെയ്യും. 'ജലം ജീവജലം' മുഖ്യവിഷയമാക്കി വിദ്യാര്‍ഥികള്‍ക്കായി ജനുവരി 28നു   സുല്‍ത്താന്‍ ബത്തേരിയില്‍ ജില്ലാ തല സ്‌കിറ്റ് മത്സരം നടത്തും. പ്രൊജക്ടുകള്‍, ശാസ്ത്ര പരീക്ഷണങ്ങള്‍ എന്നിവ ഉള്‍പ്പെടുത്തി വാട്ടര്‍ അസംബ്ലി, ജലസംരക്ഷണ പ്രവര്‍ത്തനങ്ങള്‍, ജല സ്രോതസ്സുകള്‍ വൃത്തിയാക്കല്‍, തടയണ നിര്‍മ്മാണം എന്നിവയും നടത്തും.