കല്‍പ്പറ്റ: രാഷ്ട്ര രക്ഷക്ക് സൗഹൃദത്തിന്റെ കരുതല്‍ എന്ന പ്രമേയത്തില്‍ ഇന്ന് മേപ്പാടിയില്‍ നടക്കുന്ന മനുഷ്യ ജാലികയുടെ മുന്നോടിയായി എസ്.കെ.എസ്.എസ്.എഫ് ത്വലബാ വിങ് അക്കാദമി യൂനിറ്റ് കല്‍പ്പറ്റയില്‍ വിളംബര ജാഥ നടത്തി. ജില്ലാ സെക്രട്ടറി റാഫി കാവുമന്ദം, യൂനിറ്റ് സെക്രട്ടറി ഫാഇസ് അമ്പലവയല്‍, സഅ്ദ് തങ്ങള്‍ പരപ്പനങ്ങാടി എന്നിവര്‍ ജാഥക്ക് നേതൃത്വം നല്‍കി.
മേപ്പാടി: എസ്.കെ.എസ്.എസ്.എഫ് ജില്ലാ കമ്മിറ്റി ഇന്ന് മേപ്പാടിയില്‍ നടത്തുന്ന മനുഷ്യ ജാലികയുടെ വിളംബര ജാഥ സ്വാഗത സംഘം കമ്മിറ്റിയുടെ നേതൃത്വത്തില്‍ മേപ്പാടി ടൗണില്‍ സംഘടിപ്പിച്ചു. സ്വാഗത സംഘം കമ്മിറ്റി ചെയര്‍മാന്‍ ടി ഹംസ, ബാപ്പുട്ടി, അഷ്‌റഫ്, അബൂബക്കര്‍ റഹ്മാനി, ഇബ്‌റാഹീം ദാരിമി, ശിഹാബ് മാസ്റ്റര്‍, മുഹമ്മദ് കുട്ടി ഹാജി നേതൃത്വം നല്‍കി.