കല്‍പ്പറ്റ: ജില്ലയില്‍ റിപബ്ലിക് ദിനാഘോഷത്തിനുള്ള ഒരുക്കങ്ങള്‍ പൂര്‍ത്തിയായതായി ജില്ലാ കലക്ടര്‍ ഡോ.ബി.എസ് തിരുമേനി അറിയിച്ചു. കല്‍പ്പറ്റ എസ്.കെ.എം.ജെ ഹൈസ്‌കൂള്‍ ഗ്രൗണ്ടില്‍ രാവിലെ 8.10ന് പരേഡ് ആരംഭിക്കും.  തദ്ദേശസ്വയംഭരണ വകുപ്പു മന്ത്രി ഡോ.കെ.ടി ജലീല്‍ സല്യൂട്ട് സ്വീകരിക്കും. പൊലിസ്, എക്‌സൈസ്, ഫോറസ്റ്റ് വകുപ്പുകളില്‍പ്പെട്ട വിവിധ സേനാ വിഭാഗങ്ങളും എന്‍.സി.സി, എസ്.പി.സി, സ്‌കൗട്ട്, ഗൈഡ്‌സ്, റെഡ് ക്രോസ്, ജവഹര്‍ നവോദയയുടെ സിവില്‍ പ്ലാറ്റൂണുമടക്കം 34 പ്ലാറ്റൂണുകള്‍ പരേഡില്‍ അണിനിരക്കും. എ.ആര്‍ ക്യാംപ് ഇന്‍സ്‌പെക്ടര്‍ ഷാജി അഗസ്റ്റിയാണ് പരേഡ് കമാന്റര്‍. എ.ആര്‍ ക്യാംപ് എസ്.ഐ രാജീവ് പി.സി സെക്കന്‍ഡ് കമാന്ററാണ്. തുടര്‍ന്ന് അവാര്‍ഡ് വിതരണവും വിവിധ സാംസ്‌കാരിക പരിപാടികളും നടക്കും.