കണ്ണൂര്‍:തുല്യജോലിക്ക് തുല്യവേതനം സുപ്രിംകോടതി വിധി നടപ്പിലാക്കുക, മിനിമംകൂലി 18,000 രൂപയായി പ്രഖ്യാപിക്കുക, ഇ.എസ്.ഐ മുഴുവന്‍ തൊഴിലാളികള്‍ക്കും ബാധകമാക്കുക, സാമൂഹ്യസുരക്ഷ പദ്ധതികള്‍ സംരക്ഷിക്കുക തുടങ്ങിയ ആവശ്യങ്ങളുന്നയിച്ച് എ.ഐ.ടി.യു.സി ജില്ലാ കൗണ്‍സില്‍ നേതൃത്വത്തില്‍ കണ്ണൂര്‍ സ്റ്റേഡിയം കോര്‍ണറില്‍ നടന്ന രാപ്പകല്‍ സമരം അവസാനിച്ചു.
സമാപനസമ്മേളനം എ.ഐ.ടി.യു.സി സംസ്ഥാന വൈസ് പ്രസിഡന്റ് കെ.വി കൃഷ്ണന്‍ ഉദ്ഘാടനം ചെയ്തു.
സംസ്ഥാന നിര്‍വാഹകസമിതിയംഗം സി.പി മുരളി അധ്യക്ഷനായി.  സി.പി.ഐ ജില്ലാ സെക്രട്ടറി അഡ്വ. പി സന്തോഷ്‌കുമാര്‍, താവം ബാലകൃഷ്ണന്‍, സി.പി സന്തോഷ്‌കുമാര്‍, കെ.ടി ജോസ്, മുള്ളങ്കണ്ടി ശശീന്ദ്രന്‍ സംസാരിച്ചു. ചൊവ്വാഴ്ച രാവിലെ മുതല്‍ ഇന്നലെ വൈകുന്നേരം അഞ്ചുവരെയാണ് രാപ്പകല്‍ സമരം നടന്നത്.