ചെറുപുഴ: പെരിങ്ങോത്തിനടുത്ത് കരിന്തടം മരമില്ലിന് സമീപം ഓട്ടോറിക്ഷയും കാറും കൂട്ടിയിടിച്ച് ആറ് പേര്‍ക്ക് പരുക്കേറ്റു. പയ്യന്നൂരില്‍ നിന്ന് പെരിങ്ങോം ഭാഗത്തേക്ക് വരികയായിരുന്ന ഓട്ടോറിക്ഷയും തട്ടുമ്മലില്‍ നിന്ന് പയ്യന്നൂരിലേക്ക് പോവുകയായിരുന്ന കാറുമാണ് ബുധനാഴ്ച വൈകുന്നേരം അഞ്ചോടെ ചെറുപുഴ-പയ്യന്നൂര്‍ മെയിന്‍ റോഡില്‍ അപകടത്തില്‍പെട്ടത്. ഇരു വാഹനങ്ങളുടെയും മുന്‍ഭാഗം പൂര്‍ണമായും തകര്‍ന്നു. സാരമായി പരുക്കേറ്റ നീലിരിങ്ങയിലെ ചപ്പന്റകത്ത് മൈമൂന(42), മന്‍സൂര്‍(27), സജീമ(22), ഓട്ടോ ഡ്രൈവര്‍ കെ ഷിഹാബുദ്ദീന്‍(34), കാര്‍ യാത്രക്കാരായ തട്ടുമ്മലിലെ കെ കാസിം(67), മുസ്തഫ(39) എന്നിവരെ പയ്യന്നൂര്‍ സഹകരണ ആശുപത്രിയില്‍ പ്രവേശിപ്പിച്ചു.