വടകര: ഒയിസ്‌ക ഓര്‍ക്കാട്ടേരി ചാപ്റ്ററും ഒലീവ് കോളജും സംയുക്തമായി സംഘടിപ്പിച്ച കരിയര്‍ ഗൈഡന്‍സ് സെമിനാര്‍ ഓര്‍ക്കാട്ടേരിയില്‍ നടന്നു. ലീഗ് ഹൗസില്‍നടന്ന പരിപാടി വടകര ബ്ലോക്ക് പഞ്ചായത്ത് വൈസ് പ്രസിഡന്റ് ശ്യാമള കൃഷ്ണാര്‍പിതം ഉദ്ഘാടനം ചെയ്തു. ജൂനിയര്‍ ചേംബര്‍ ദേശീയ പരിശീലകന്‍ അബ്ദുല്‍ നാസര്‍ പാലക്കാട് ക്ലാസെടുത്തു. ഒയിസ്‌ക പ്രസിഡന്റ് ശിവദാസ് കുനിയില്‍ അധ്യക്ഷനായി. ഒലിവ് കോളജ് പ്രിന്‍സിപ്പല്‍ ഷുഹൈബ് കുന്നത്ത്, രഞ്ജു യൂനിക്, ടി.എന്‍.കെ പ്രഭാകരന്‍, രഞ്ജിത്ത്കുമാര്‍ സംസാരിച്ചു. പ്രോഗ്രാം ഡയരക്ടര്‍ തില്ലേരി ഗോവിന്ദന്‍ സ്വാഗതവും രതീശന്‍ നന്ദിയും പറഞ്ഞു. ക്ലാസില്‍ നൂറിലധികം വിദ്യാര്‍ഥികള്‍ പങ്കെടുത്തു.