കുറ്റ്യാടി: കാര്‍ഷിക വിളകള്‍ വെട്ടിനശിപ്പിച്ചതായി പരാതി. മണ്ഡലം കോണ്‍ഗ്രസ് കമ്മിറ്റി അംഗവും ബൂത്ത് പ്രസിഡന്റുമായ കാപ്പുംകര സൂപ്പിയുടെ മാക്കൂല്‍താഴെ കൃഷി ചെയ്ത 25 ഓളം പടുവാഴ, 15 കമുങ്ങുകള്‍, 10 പാകിയ തെങ്ങിന്‍ തൈകള്‍ എന്നിവയാണ് കഴിഞ്ഞ ദിവസം രാത്രി സാമൂഹ്യദ്രോഹികള്‍ വെട്ടിനശിപ്പിച്ചത്. സംഭവത്തില്‍ പ്രതിഷേധം ശക്തമായിട്ടുണ്ട്. നിയുക്ത എം.എല്‍.എ പാറക്കല്‍ അബ്ദുല്ല , യൂത്ത് കോണ്‍ഗ്രസ് കുറ്റ്യാടി നിയോജക മണ്ഡലം പ്രസിഡന്റ് ശ്രീജേഷ് ഊരത്ത്, എ.സി ഖാലിദ്, കേളോത്ത് കുഞ്ഞമ്മദ് കുട്ടി, എം.കെ അബ്ദുറഹ്മാന്‍ പ്രതിഷേധിച്ചു. പരാതിയുടെ അടിസ്ഥാനതില്‍ പൊലിസ് അന്വേഷണം ആരംഭിച്ചു.