പടിഞ്ഞാറ്റുംമുറി: നാല് ദിനങ്ങളിലായി നടക്കുന്ന മൗലാന അബ്ദുല്‍റഹ്മാന്‍ ഫസ്ഫരി യതീംഖാനയുടെ നാല്‍പതാം വാര്‍ഷികാഘോഷത്തിന് പ്രൗഢമായ തുടക്കം. പാണക്കാട് സയ്യിദ് നാസര്‍ അബ്ദുല്‍ ഹയ്യ് ശിഹാബ് തങ്ങള്‍ പതാകയുയര്‍ത്തി.
തുടര്‍ന്ന് മര്‍ഹൂം സാലിം മൗലവിയുടെ ഖബര്‍ സിയാറത്തിന്ന് നേതൃത്വം നല്‍കി. ഉദ്ഘാടന സമ്മേളനം, അനുസ്മരണം, അവാര്‍ഡ് ദാനം, പുസ്തക പ്രകാശനം എന്നിവയുടെ ഉദ്ഘാടനം പാണക്കാട് സയ്യിദ് മുനവ്വറലി ശിഹാബ് തങ്ങള്‍ നിര്‍വഹിച്ചു. എം.കെ അബ്ദുല്‍ ഖാദര്‍ ബാഖവി അധ്യക്ഷനായി. പരിപാടിയില്‍ ഇ.ടി മുഹമ്മദ് ബഷീര്‍ എം.പി, പി.എ റഷീദ്, ഉമ്മര്‍ അറക്കല്‍, അഡ്വ. ടി.കെ റഷീദലി, എ.കെ ബാലന്‍, എന്‍.കെ ഹുസൈന്‍, നൗഷാദ് മണ്ണിശ്ശേരി, ജാഫര്‍ വെളേളക്കാട്ട്, എം.കെ ജാബിര്‍ ഹുദവി, സുബൈര്‍ ഹുദവി സംസാരിച്ചു.
തുടര്‍ന്ന് സാലിം മൗലവിയുടെ പേരിലുള്ള ഫസ്ഫരി എക്‌സലന്‍സി അവാര്‍ഡ് ഇ.ടി മുഹമ്മദ് ബഷീര്‍ എം.പി വിതരണം ചെയ്തു. നാല്‍പതിന്റെ നാള്‍വഴികള്‍ ഫോട്ടോ പ്രദര്‍ശനം ജില്ലാ പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ ഉമ്മര്‍ അറക്കല്‍ നിര്‍വഹിച്ചു. എം.കെ ജാബിര്‍ ഹുദവി എഴുതിയ കുട്ടി മുസ്‌ലിയാരുടെ ജീവചരിത്രം പാണക്കാട് സയ്യിദ് മുനവ്വറലി ശിഹാബ് തങ്ങള്‍ സി.എച്ച് ചെയര്‍ ചെയര്‍മാന്‍ പി.എ റഷീദിന് നല്‍കി പ്രകാശനം ചെയ്തു.