ജിദ്ദ: സഊദി അറേബ്യ ആധുനിക എഫ്15 എസ്.എ യുദ്ധവിമാനം പുറത്തിറക്കി. യെമനില്‍ ഹൂതികളുമായുള്ള യുദ്ധം ആരംഭിച്ചിട്ട് രണ്ടു വര്‍ഷം പിന്നിടവേയാണ് സഊദി പുതിയ യുദ്ധ വിമാനം പ്രദര്‍ശിപ്പിച്ചത്. കഴിഞ്ഞ ദിവസമാണ് അമേരിക്കന്‍ നിര്‍മിതിയായ എഫ്15 എസ്.എ വിമാനം റിയാദിലാണ് അവതരിപ്പിച്ചത്.

കിങ് ഫൈസല്‍ എയര്‍ അക്കാദമിയുടെ 50 -ാം വാര്‍ഷികവും ബിരുദാനത്തിനോടുബന്ധിച്ചു നടന്ന ചടങ്ങിലാണ് വിമാനം അവതരിപ്പിച്ചത്. സല്‍മാന്‍ രാജാവും അദ്ദേഹത്തിന്റെ മകനും രണ്ടാം കിരീടവകാശിയും പ്രതിരോധ മന്ത്രിയുമായ മുഹമ്മദ് ബിന്‍ സല്‍മാനും സുഡാന്‍ പ്രസിഡന്റ് ഉമര്‍ അല്‍ ബശീര്‍ ചടങ്ങില്‍ സംബന്ധിച്ചു.