തിരുവനന്തപുരം: ലോ അക്കാദമിയിലെ വിദ്യാര്‍ഥി സമരം സര്‍വകലാശാല ചാന്‍സലര്‍ കൂടിയായ ഗവര്‍ണര്‍ ഇടപെട്ട് പരിഹരിക്കണമെന്ന് പ്രതിപക്ഷ നേതാവ് രമേശ് ചെന്നിത്തല. സമരം ശക്തമായി മുന്നോട്ട് പോകുമ്പോഴും പരിഹാരം ഉണ്ടാക്കാത്തത് ശരിയല്ല.വിദ്യാഭ്യാസ മന്ത്രി വിളിച്ച യോഗത്തിലും പരിഹാരമുണ്ടായില്ല. അതിനാല്‍ ഉടന്‍തന്നെ ഗവര്‍ണര്‍ ഇടപെടണമെന്നും ഇക്കാര്യം ആവശ്യപ്പെട്ട് ഗവര്‍ണര്‍ക്ക് കത്തുനല്‍കുമെന്നും അദ്ദേഹം പറഞ്ഞു.