തുറവൂര്‍ : കഞ്ചാവിന്റെയും മദ്യത്തിന്റേയും ലഹരിയില്‍ നാട്ടില്‍ ഭീകരാന്തരീക്ഷം സൃഷ്ടിച്ച യുവാവ് സി.പി.ഐ എം ലോക്കല്‍ കമ്മറ്റിയംഗത്തിന്റെ വീട് ആക്രമിച്ച് വധഭീഷണി മുഴക്കി.
പാര്‍ട്ടി വെട്ടയ്ക്കല്‍ ലോക്കല്‍ കമ്മറ്റിയംഗം ലാലച്ചന്റെ വീട് കയറിയാണ് ആക്രമണം നടത്തിയത്.ബുധനാഴ്ച രാത്രിയിലാണ് സംഭവം.
പ്രദേശത്ത് ഭീകരാന്തരീക്ഷം സൃഷ്ടിക്കുന്ന കാട്ടുങ്കല്‍ തയ്യില്‍ ജോണ്‍ ബ്രിട്ടോ എന്ന യുവാവാണ് ആക്രമണം നടത്തിയത്.പ്രദേശത്തെ വൈദ്യുതി ബന്ധം വിച്ഛേദിച്ച ശേഷമായിരുന്നു ആക്രമണം.
ലാലച്ചന്റെ വീട്ടുകാരുടെ നിലവിളി കേട്ട് ഓടിക്കൂടിയ നാട്ടുകാര്‍ പട്ടണക്കട് പോലീസില്‍ വിവരമറിയിക്കുകയായിരുന്നു. വധഭീഷണി മുഴക്കി മദ്യലഹരിയിലായിരുന്ന ജോണ്‍ ബ്രിട്ടോയെ പോലീസെത്തി പിടികൂടി.