ആലപ്പുഴ: ആര്യാട് പഞ്ചായത്തിലെ ഏകസര്‍ക്കാര്‍ സ്‌കൂളായ തെക്കനാര്യാട് ഗവ. വി വി എസ് ഡി എല്‍ പി സ്‌ക്കൂളില്‍ പൊതുവിദ്യാലയങ്ങള്‍ മികവിന്റെ കേന്ദ്രങ്ങളാക്കി, ആധുനിക സംവിധാനങ്ങളാല്‍ ഹൈടെക് ക്ലാസ്മുറികളില്‍ സജീകരിച്ച് കുട്ടികളുടെ സര്‍വ്വതോന്മുഖശേഷികള്‍ വികസിപ്പിക്കുകവഴി അന്തര്‍ദേശീയ പഠന നിലനാരം ഉറപ്പാക്കുന്നതിന്, പൊതുവിദ്യാഭ്യാസ സംരക്ഷണയജ്ഞ പരിപാടിനടത്തി.
ആര്യാട് പഞ്ചായത്തിലെ മുഴുവന്‍ ജനപ്രതിനിധികളും, പി റ്റി എ, എസ് എം സി അംഗങ്ങള്‍, അദ്ധ്യാപകര്‍, പൂര്‍വ്വവിദ്യാര്‍ത്ഥികള്‍, രക്ഷിതാക്കള്‍, പ്രാദേശികരാഷ്ടീയകലസാംസാക്കാരികകാര്‍ഷികവിദ്യാഭ്യാസ പ്രവര്‍ത്തകര്‍, വകുപ്പുതല മേധാവികള്‍, സ്‌ക്കൂള്‍ അങ്കണത്തില്‍ എത്തി വിദ്യാലയസംരക്ഷണ വലയംതീര്‍ത്തുകൊണ്ട്, പഞ്ചായത്ത് പ്രസിഡന്റെ് കവിതാ ഹരിദാസിന്റെ നേതൃത്വത്തില്‍ പ്രതിജ്ഞ എടുത്തു.
പരിപാടികള്‍ക്ക് ഹെഡ്മിസ്ട്രസ് പ്രീതിജോസ്, സ്‌ററാഫ് സെക്രറ്ററി റ്റി ആര്‍ മിനിമോള്‍, കെ കെ ഉല്ലാസ് എന്നിവര്‍ നേതൃത്വം നല്‍കി.
ആലപ്പുഴ : സംസ്ഥാനത്തെ പൊതുവിദ്യാലയങ്ങള്‍ മികവിന്റെ കേന്ദ്രങ്ങളാക്കുക എന്ന ലക്ഷ്യത്തോടെ സംസ്ഥാന സര്‍ക്കാര്‍ ആവിഷ്‌കരിച്ചു നടപ്പാക്കുന്ന പൊതുവിദ്യാഭ്യാസ സംരക്ഷണ യജ്ഞം പദ്ധതിയുടെ സ്‌കൂള്‍തല ഉദ്ഘാടനം മണ്ണാറശാല യു.പി സ്‌കൂളില്‍ നടന്നു.
ഇന്ന് രാവിലെ 9.30ന് ജനപ്രതിനിധികളുടെയും പൂര്‍വ്വാധ്യാപകരുടെയും പൂര്‍വ വിദ്യാര്‍ഥികളുടെയും അഭ്യുദയകാംക്ഷികളുടെയും സാന്നിധ്യത്തില്‍ പ്രത്യേക അസംബ്ലി നടന്നു.
പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി സ്‌കൂളില്‍ നടപ്പാക്കുന്ന കാര്യങ്ങളെക്കുറിച്ച് പ്രഥമാധ്യാപകന്‍ ശ്രീ.എസ് നാഗദാസ് വിശദീകരണം നല്‍കി.അസംബ്ലി പരിപാടികള്‍ പൂര്‍ത്തിയാക്കി 10 മണിക്ക് മുമ്പായി വിദ്യാര്‍ത്ഥികള്‍ ക്ലാസ്‌റൂമുകളില്‍ പ്രവേശിച്ചു.
ശേഷം മുഴുവനാളുകളും സ്‌കൂളിലെ ഓരോ പൂര്‍വ വിദ്യാര്‍ത്ഥിയുടെയും ഓര്‍മ്മകളില്‍ ഇന്നും പച്ച വിരിച്ചു നില്‍ക്കുന്ന ഞാറ മുത്തശ്ശിയുടെ ചുവട്ടില്‍ ഒരുമിച്ചുകൂട്ടി.സ്‌കൂളിലും വീടുകളിലും നടപ്പാക്കേണ്ട ഗ്രീന്‍ പ്രോട്ടോക്കോളിനെ കുറിച്ച് വീണ്ടും ഓര്‍മ്മപ്പെടുത്തി.പി.ടി.എ പ്രസിഡന്റ് സതീഷ് ആറ്റുപുറം പൊതുവിദ്യാഭ്യാസ സംരക്ഷണ യജ്ഞ പ്രതിജ്ഞ ചൊല്ലിക്കൊടുത്തു.
സ്‌കൂളിലെ പൂര്‍വ്വാധ്യാപകര്‍, രക്ഷിതാക്കള്‍,പൂര്‍വ്വ വിദ്യാര്‍ത്ഥികളള്‍,വിദ്യാലയ അഭ്യുദയകാംക്ഷികള്‍ തുടങ്ങിയവര്‍ സംബന്ധിച്ച പരിപാടികള്‍ക്ക് നഗരസഭാ കൗണ്‍സിലര്‍മാരായ എസ് രാധാമണിയമ്മ,ആര്‍ രതീഷ്,പ്രഥമാധ്യാപകന്‍ എസ് നാഗദാസ്,എം പി ടി എ പ്രസിഡന്റ് എസ് ശൈലജ എന്നിവര്‍ നേതൃത്വം നല്‍കി.പങ്കെടുത്തവര്‍ക്കെല്ലാം ചുക്ക് കാപ്പി വിതരണവും നടത്തി.