നെടുമങ്ങാട്: കരകുളം ഗ്രാമപ്പഞ്ചായത്ത് ഓഫിസില്‍ തീപ്പിടിത്തം. കെട്ടിടത്തിന്റെ മൂന്നാം നിലയില്‍ വൈകുന്നേരം 5.30 ഓടെയാണ് തീ പിടിച്ചത്.ഓഫിസ് പൂട്ടി ജീവനക്കാര്‍ പോയ ശേഷമായിരുന്നു സംഭവം.കെട്ടിടത്തില്‍ നിന്നും പുകഉയരുന്നതു കണ്ട നാട്ടുകാര്‍ വിവരം അറിയിച്ചതിനെ തുടര്‍ന്ന് എത്തിയ ഫയര്‍ഫോഴ്‌സിന്റെ രണ്ട് യൂനിറ്റുകളാണ് തീ കെടുത്തിയത്.കെട്ടിടത്തിന്റെ മൂന്നാം നിലയില്‍ പ്രവര്‍ത്തിക്കുന്ന കുടുംബ ശ്രീ ഓഫിസിനും ഫയലുകള്‍ സൂക്ഷിക്കുന്ന മുറിക്കുമാണ് തീ പിടിച്ചത്.ഓഫിസിലുണ്ടായിരുന്ന ഫയലുകള്‍ തീ പിടിച്ചും ഫയര്‍ ഫോഴ്‌സ് പമ്പുചെയ്ത വെള്ളത്തില്‍ ന നഞ്ഞും നശിച്ചു. ഷോര്‍ട്ട് സര്‍ക്യൂട്ട് ആകാം തീ പിടിത്തത്തിനു കാരണമെന്നാണ് പ്രാഥമിക നിഗമനം.