ജിദ്ദ: നവയുഗം സാംസ്‌കാരികവേദി കേന്ദ്രകമ്മിറ്റി വൈസ്പ്രസിഡന്റും സഊദിയിലെ കിഴക്കന്‍പ്രവിശ്യയിലെ ജീവകാരുണ്യ പ്രവര്‍ത്തകയുമായിരുന്ന സഫിയ അജിത്തിന്റെ രണ്ടാം ചരമവാര്‍ഷിക അനുസ്മരണത്തിന്റെ ഭാഗമായി നവയുഗം കേന്ദ്രകമ്മിറ്റി സൗജന്യമെഡിക്കല്‍ ക്യാമ്പ് സംഘടിപ്പിച്ചു.

ദമ്മാമിലെ അല്‍ അബീര്‍ മെഡിക്കല്‍ സെന്ററില്‍ നടന്ന മെഡിക്കല്‍ ക്യാമ്പില്‍ നൂറുകണക്കിന് പേര്‍ പങ്കെടുത്തു. വിദഗ്ധ ഡോക്റ്റര്‍മാര്‍ നയിച്ച സൗജന്യ ജനറല്‍ ചെക്കപ്പ്, കണ്‍സള്‍ട്ടിങ്, കിഡ്‌നി രോഗങ്ങള്‍, ദന്തരോഗങ്ങള്‍ എന്നിവയ്ക്കുള്ള പ്രത്യേക പരിശോധനകള്‍ എന്നിവ നടത്തി. ക്യാമ്പിനോടനുബന്ധിച്ച് ഡോ: ആമീര്‍ അലി, 'പ്രവാസികളുടെ ആരോഗ്യവും, ജീവിതശൈലി രോഗങ്ങളും' എന്ന വിഷയത്തില്‍ ക്ലാസ്സ് എടുത്തു.