ജമ്മു:കനത്ത ഹിമപാതത്തില്‍ അകപ്പെട്ട് കാണാതായെന്ന് കരുതിയ അഞ്ച് സൈനികരെ സാഹസികമായി രക്ഷപ്പെടുത്തി.
മഞ്ഞു വിഴ്ചയെത്തുടര്‍ന്ന് തടസപ്പെട്ട വഴി വൃത്തിയാക്കുന്നതിനിടയിലാണ് സൈനികരെ കാണാതായത്. കുപ് വാര ജില്ലയിലെ മച്ചാല്‍ സെക്ടറിലായിരുന്നു അപകടം. ഏതാനും ദിവസങ്ങളായി തുടരുന്ന ഹിമപാതം കശ്മിരില്‍ രൂക്ഷമായി തുടരുകയാണ്. ഇതേതുടര്‍ന്ന് വഴിയടഞ്ഞുപോയ ഭാഗത്ത് നിര്‍മാണം നടത്തിക്കൊണ്ടിരിയിക്കേയാണ് സൈനികരെ കാണാതായത്. തുടര്‍ന്ന് നടത്തിയ തെരച്ചിലിലാണ് ഇവരെ കണ്ടെത്താനായതെന്ന് സൈനിക വക്താവ് അറിയിച്ചു.
അതേസമയം കനത്ത ഹിമപാതത്തില്‍ ഇതുവരെ 14 സൈനികര്‍ മരിച്ചതായാണ് കണക്ക്. ഇന്ത്യ-പാക് അതിര്‍ത്തിയില്‍ ഗുരേസ് സെക്ടറിലാണ് സൈനികര്‍ മരിച്ചത്. ഹിമപാതത്തില്‍ സൈനികരടക്കം 21 പേര്‍ ഇതുവരെ മരിച്ചിട്ടുണ്ട്.