ലണ്ടന്‍: നാലു ദിവസത്തിനിടെ മറ്റൊരു ടൂര്‍ണമെന്റില്‍ നിന്നു കൂടി ലിവര്‍പൂള്‍ പുറത്തായി. കഴിഞ്ഞ ദിവസം ലീഗ് കപ്പിന്റെ സെമിയില്‍ സതാംപ്ടനോടു തോറ്റു പുറത്തായ യുര്‍ഗന്‍ ക്ലോപിന്റെ ടീം എഫ്.എ കപ്പില്‍ നിന്നാണ് ഇപ്പോള്‍ പുറത്തേക്കുള്ള വഴി കണ്ടത്. ഏഴു തവണ കിരീടം നേടിയ ലിവര്‍പൂള്‍ സ്വന്തം തട്ടകത്തില്‍ വോള്‍വര്‍ഹാംപ്റ്റന്‍ വണ്ടറേഴ്‌സിനോടാണ് 2-1നു പരാജയമേറ്റു വാങ്ങിയത്.
മറ്റൊരു മത്സരത്തില്‍ ലെയ്സ്റ്റര്‍ സിറ്റി ഡെര്‍ബി കണ്‍ട്രിയുമായുള്ള പോരാട്ടം 2-2നു സമനിലയിലെത്തിച്ച് രക്ഷപ്പെട്ടു. 2-1നു അവസാനം വരെ പിന്നില്‍ നിന്ന അവരെ വെസ് മോര്‍ഗന്‍ നേടിയ ഗോളാണ് രക്ഷപ്പെടുത്തിയത്.