മലപ്പുറം: വൈക്കം മുഹമ്മദ് ബഷീറിന്റെ പാത്തുമ്മായുടെ ആട് എന്ന നോവലിന് ആറാംക്ലാസ് വിദ്യാര്‍ഥിനിയുടെ ചിത്രാവിഷ്‌കാരം. മലപ്പുറം സെന്റ് ജമ്മാസ് ഗേള്‍സ് ഹയര്‍സെക്കന്‍ഡറി സ്‌കൂള്‍ വിദ്യാര്‍ഥിനി മുണ്ടുപറമ്പ് ഹൗസിങ് കോളനിയിലെ ഗായത്രി ഓളക്കലിലാണ് നോവലിന്റെ ചിത്രാവിഷ്‌കാരം നടത്തിയിരിക്കുന്നത്. ഇതിന്റെ പ്രദര്‍ശനം ഫെബ്രുവരി ഒന്നു മുതല്‍ നാലുവരെ കോട്ടക്കുന്ന് ആര്‍ട്ട് ഗാലറിയില്‍ നടക്കും.
ഒന്നിനു രാവിലെ 10ന് സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്യും. രാവിലെ 9.30 മുതല്‍ വൈകിട്ട് 6.30 വരെയാണ് പ്രദര്‍ശനം. കെ.എസ്.ഇ.ബി സൊസൈറ്റി ജീവനക്കാരന്‍ വിനോദ് ഓളക്കലിന്റെയും ബിനുവിന്റെയും മകളാണ് ഗായത്രി. വാര്‍ത്താസമ്മേളനത്തില്‍ പാലോളി കുഞ്ഞിമുഹമ്മദ്, പി.വി നാരായണന്‍കുട്ടി, എം.കെ അനില്‍കുമാര്‍, ഗായത്രി, ഒ. വിനോദ് പങ്കെടുത്തു.