പള്ളുരുത്തി: കുമ്പളങ്ങി ചുടുകാട് പടശേഖരത്തിലെ സഌയിസ് നിര്‍മാണം വൈകുന്നതായി ആരോപണം. ഇതോടെ മത്സ്യകൃഷിയും നെല്‍ക്കൃഷിയും അവതാളത്തിലാവും. 129 ഏക്കറിലെ കൃഷിയാണ് മുടങ്ങുക.
കുമ്പളങ്ങിയിലെ നെല്‍ക്കൃഷി വികസനത്തിനു കേന്ദ്ര സര്‍ക്കാര്‍ നബാര്‍ഡ് മുഖേന നടപ്പിലാക്കുന്ന റിഡ്ഫ് പദ്ധതി പ്രകാരം രണ്ട് കോടി 65 ലക്ഷം രൂപയാണ് അനുവദിച്ചിട്ടുള്ളത്. ഇതില്‍ ഉള്‍പ്പെടുത്തി ചുടുകാട് പാടശേഖരത്തില്‍ ഉപ്പുവെള്ളം കയറുന്നത് തടയാന്‍ സ്ലൂയിസ് നിര്‍മിക്കുന്നതിന് നടപടി തുടങ്ങിയിരുന്നു. പാടശേഖരക്കമ്മിറ്റിയുടെ നേതൃത്വത്തിലുള്ള ഗുണഭോക്തൃ സമിതിയാണ് നബാര്‍ഡുമായി കരാറില്‍ ഏര്‍പ്പെട്ടിട്ടുള്ളത്. എന്നാല്‍ ഗുണഭോക്തൃ സമിതി മറ്റൊരാളെ കരാര്‍ ഏല്‍പ്പിച്ചിരിക്കുകയാണ്. മൂന്നു വര്‍ഷമായിട്ടും നിര്‍മ്മാണ പ്രവര്‍ത്തനം തുടങ്ങിയിട്ടില്ല.
സഌയിസിന്റെ ഒരു ഭാഗത്ത് റിംഗ് ബണ്ട് നിര്‍മിച്ചിട്ടുണ്ട്. മറുഭാഗത്തു കൂടി റിംഗ് ബണ്ട് നിര്‍മിച്ച് വെള്ളം വറ്റിച്ചാല്‍ മാത്രമെ നിര്‍മാണം തുടങ്ങാനാവൂ. കാലതാമസത്തെ തുടര്‍ന്ന് പാടശേഖര സമിതി യുടെ അപേക്ഷ പ്രകാരം കെ.ജെ. മാക്‌സി ങഘഅ ഇടപെട്ടാണ് ബണ്ട് നിര്‍മ്മാണം ആരംഭിച്ചത്.എന്നാല്‍ ഇപ്പോള്‍ പണി നിര്‍ത്തിവച്ചിരിക്കുകയാണ്.
ഗുണഭോക്തൃ സമിതിയൊ ഉപകരാറുകാരനൊ നിര്‍മ്മാണത്തിന് താത്പ്പര്യമെടുക്കുന്നില്ല. നിലവിലെ ബണ്ട് പൊളിച്ചതോടെ റിംഗ് ബണ്ടിലൂടെയാണ് ജനങ്ങള്‍ യാത്ര ചെയ്യുന്നത്. ബണ്ട് വെള്ളം കയറി നശിച്ചു കൊണ്ടിരിക്കുകയാണ്. ബണ്ട് പൊട്ടിയാല്‍ ഉപ്പുവെള്ളം കയറി ഈ പ്രദേശത്തെ ഇരുപതോളം വീടുകളും നശിക്കും.മാത്രമല്ല ചുടുകാട് പാടശേഖരത്തിലെ കൃഷിയും ഇല്ലാതാവും.പ്രശ്‌നത്തില്‍ ഇടപെടണമെന്ന് ആവശ്യപ്പെട്ട് പാടശേഖര സമിതി ജില്ലാ കളക്ടര്‍ക്ക് നിവേദനം നല്‍കിയിരിക്കുകയാണ്. നബാര്‍ഡിന്റെ ഫണ്ട് വിനിയോഗത്തില്‍ അഴിമതി നടക്കുന്നതായി നേരത്തെ തന്നെ ആരോപണമുയര്‍ന്നിരുന്നു.
കരാറുകാരും ഉദ്യോഗസ്ഥരും രാഷ്ട്രീയ നേതൃത്വവും ഒത്തുകളി നടത്തുകയാണെന്ന് ആരോപണം ഉയര്‍ന്നിരുന്നു. കഴിഞ്ഞ സര്‍ക്കാരിന്റെ കാലത്ത് കേന്ദ്ര സര്‍ക്കാരാണ് ഫണ്ട് അനുവദിച്ചത് .ഫണ്ട് വിനിയോഗം സംബന്ധിച്ച് തദ്ദേശ സ്വയംഭരണ സ്ഥാപനങ്ങള്‍ക്ക് യാതൊരു നിയന്ത്രണവുമില്ല.