മാവേലിക്കര : ബിഷപ്പ് മൂര്‍ കോളജില്‍ നടന്ന കേരള സര്‍വകലാശാലാ നാടകോത്സവത്തില്‍ ചേര്‍ത്തല എസ്.എന്‍.കോളജ് വിദ്യാര്‍ഥികള്‍ അവതരിപ്പിച്ച നാടകത്തിന് രണ്ടാം സ്ഥാനം. എസ്.എന്‍ കോളജിലെ ബി.എ മലയാളം രണ്ടാം വര്‍ഷ വിദ്യാര്‍ഥി അരുണ്‍ എസ്.രാജനാണ് 'ഉടല്‍' എന്ന നാടകത്തിന്റെ രചനയും സംവിധാനവും നിര്‍വഹിച്ചത്.
കാലാകാലങ്ങളായി പിന്നാക്ക വിഭാഗങ്ങള്‍ അനുഭവിക്കുന്ന പ്രതിസന്ധികളാണ് നാടകത്തിലൂടെ ആവിഷ്‌കരിച്ചത്. മൂന്നാം വര്‍ഷ മലയാളം വിദ്യാര്‍ഥി കാര്‍ത്തിക് ചന്ദ്രന് മികച്ച സഹനടനുള്ള സമ്മാനവും ലഭിച്ചു. അനീഷ് അനിയന്‍, അനില്‍ദത്ത്, സാന്ദ്ര, ലാല്‍ കൃഷ്ണ, പവി ശങ്കര്‍, രാഹുല്‍ കൃഷ്ണ, അഖില്‍, സുദിന്‍ മറ്റ് അഭിനേതാക്കള്‍.