പേരാവൂര്‍: വെള്ളാര്‍വള്ളിയില്‍ യുവാവിനെ വീട്ടില്‍കയറി കുത്തി കൊലപ്പെടുത്തിയ കേസില്‍ മരിച്ചയാളുടെ ബന്ധുവായ യുവാവിനെ പൊലിസ് അറസ്റ്റു ചെയ്തു. വെള്ളുവക്കണ്ടി സനിത്തിനെ വീട്ടില്‍ കയറി കുത്തിക്കൊലപ്പെടുത്തിയെന്ന കേസില്‍ ബന്ധുവും അയല്‍വാസിയുമായ അജീഷിനെയാണ് പേരാവൂര്‍ സി.ഐ സുനില്‍കുമാറിന്റെ നേതൃത്വത്തിലുള്ള പൊലിസ് സംഘം അറസ്റ്റു ചെയ്തത്. ഒരു ബന്ധുവിന്റെ വീട്ടില്‍ ഒളിച്ചു കഴിയുന്നതിനിടെയാണ് ഇയാള്‍ പിടിയിലായത്. മട്ടന്നൂര്‍ മജിസ്‌ട്രേറ്റിനു മുന്നില്‍ ഹാജരാക്കിയ പ്രതിയെ റിമാന്‍ഡ് ചെയ്തു. വെള്ളിയാഴ്ച രാത്രി പത്തോടെയായിരുന്നു സനിത്തിന് കുത്തേറ്റത്. ഗുരുതരമായി പരിക്കേറ്റ സനിത്തിനെ ആശുപത്രിയില്‍ കൊണ്ടുപോയെങ്കിലും വഴിമധ്യേ മരിക്കുകയായിരുന്നു.