തളിപ്പറമ്പ്: വൈക്കോല്‍ ലോറി തീപിടിച്ച് കത്തിനശിച്ചു. കാരക്കുണ്ട് പുളിയൂലില്‍ ഇന്നലെ ഉച്ചക്ക് 12.15 നായിരുന്നു സംഭവം. ചുടലയില്‍ നിന്നും വൈക്കോലുമായി കരുവഞ്ചാലിലേക്ക് പോകുകയായിരുന്ന കെ.എല്‍ 13 8602 മിനിലോറിക്കാണ് തീപിടിച്ചത്. മീമ്പറ്റിയിലെ ടി.പി ബെന്നിയുടെ ഉടമസ്ഥതയിലുള്ളതാണ് ലോറി.
അമിത ഉയരത്തില്‍ കയറ്റിയ വൈക്കോല്‍ വൈദ്യുതി കമ്പിയില്‍ തട്ടിയതാണ് തീപിടിക്കാന്‍ കാരണമായതെന്ന് അഗ്നിശമനസേനാ കേന്ദ്രങ്ങള്‍ പറഞ്ഞു. തളിപ്പറമ്പ് അഗ്നിശമനനിലയത്തിലെ അസി.സ്റ്റേഷന്‍ ഓഫീസര്‍ പ്രേമരാജന്‍ കക്കാടിയുടെ നേതൃത്വത്തിലെത്തിയ രണ്ട് യൂനിറ്റ് അഗ്നിശമനസേന ഒന്നരമണിക്കൂറോളം പ്രയത്‌നിച്ചാണ് തീയണച്ചത്. മൂന്ന് ലക്ഷത്തോളം രൂപയുടെ നഷ്ടം കണക്കാക്കുന്നു.