എടപ്പാള്‍: പോളിയോ തുള്ളിമരുന്നു വിതരണത്തോടൊപ്പം പച്ചക്കറി തൈയും വിത്തുകളും വിതരണം ചെയ്ത് വാര്‍ഡ് അംഗം. കാലടി പഞ്ചായത്തിലെ ഒന്നാം വാര്‍ഡ് തുള്ളിമരുന്നു വിതരണകേന്ദ്രമായ നരിപ്പറമ്പ് ജി.എല്‍.പി സ്‌കൂളിലാണ് അംഗം കെ.വി സലീമിന്റെ നേതൃത്വത്തില്‍ തൈ വിതരണം നടത്തിയത്. അംഗത്തിന്റെ ഓണറേറിയത്തില്‍ നിന്നാണ് പദ്ധതിക്ക് തുക കണ്ടെത്തിയത്. ഹരിത കേരളം സന്ദേശം ജനങ്ങളില്‍ എത്തിക്കുന്നതിന്റെ ഭാഗമായാണ് പദ്ധതി നടപ്പിലാക്കിയതെന്ന് സലീം പറയുന്നു. മെഡിക്കല്‍ ഓഫിസര്‍ കെ.പി മൊയ്തീന്‍ അധ്യക്ഷനായി. സി.ആര്‍ ശിവപ്രസാദ്, രാജേഷ് പ്രശാന്തിയില്‍, കെ.എ കവിത, വി.വി സുരേഷ്ബാബു, വി.വി സജിനി, എം. രാജശ്രീ സംസാരിച്ചു.