ചങ്ങരംകുളം: നാട്ടുകാര്‍ മുന്‍കൈ എടുത്ത് സിഗ്‌നല്‍ ലൈറ്റ് ശരിയാക്കി. പന്താവൂര്‍ പാലത്തിന് ഇരുവശത്തുമായി സംസ്ഥാന പാത നവീകരണത്തിന്റെ ഭാഗമായി സ്ഥാപിച്ച എല്‍.ഇ.ഡി ലൈറ്റോടു കൂടിയ അപകട മുന്നറിയിപ്പ് സിഗ്‌നലുകളില്‍ തൃശ്ശൂര്‍ റോഡിലുളള വിളക്ക് ഭാഗികമായി തകര്‍ന്ന് അപകട ഭീഷണിയുയര്‍ത്തി നില്‍ക്കുകയായിരുന്നു. ഈ സിഗ്‌നല്‍ നീക്കം ചെയ്യുകയോ മാറ്റി സ്ഥാപിക്കുകയോ ചെയ്യണമെന്നാവശ്യപ്പെട്ട് നാട്ടുകാര്‍ വിവിധ വകുപ്പ് മേധാവികള്‍ക്ക് പരാതി നല്‍കിയിരുന്നു. എല്ലാ വിഭാഗവും കൈയൊഴിഞ്ഞതോടെയാണ് നാട്ടുകാര്‍ മുന്‍കൈ എടുത്ത് സിഗ്‌നല്‍ ലൈറ്റ് ശരിയാക്കിയത്. അടുത്തടുത്തായി മൂന്നോളം വാഹനാപകടങ്ങളും ഒരു വിദ്യാര്‍ഥി മരിക്കാനുമിടയാക്കിയ സാഹചര്യത്തിലാണ് മലപ്പുറം ഡി.വൈ.എസ്.പിയുടേയും ചങ്ങരംകുളം എസ്.ഐ യുടേയും അനുമതിയോടെ നാട്ടുകാര്‍ മാറ്റി സ്ഥാപിച്ചത്. എന്നാല്‍ ലൈറ്റ് പുനഃസ്ഥാപിച്ചെങ്കിലും സിഗ്‌നല്‍ പ്രവര്‍ത്തന സജ്ജമായിട്ടില്ല.