ചണ്ഡീഗഡ്: തെരഞ്ഞെടുപ്പ് നടക്കുന്ന അഞ്ച് സംസ്ഥാനങ്ങളില്‍ അഭിപ്രായ സര്‍വേ നടത്തുന്നതിന് തെരഞ്ഞെടുപ്പ് കമ്മിഷന്റെ വിലക്ക്. ഫെബ്രുവരി നാല് രാവിലെ ഏഴുമുതല്‍ മാര്‍ച്ച് എട്ട് വൈകിട്ട് 5.30വരെയാണ് വിലക്ക്.

ഉത്തര്‍പ്രദേശ്, മണിപ്പൂര്‍, പഞ്ചാബ്, ഉത്തരാഖണ്ഡ്, ഗോവ സംസ്ഥാനങ്ങളിലാണ് തെരഞ്ഞെടുപ്പ് നടക്കാനിരിക്കുന്നത്.

ഫെബ്രുവരി നാല് രാവിലെ ഏഴുമണി മുതല്‍ മാര്‍ച്ച് എട്ട് വൈകീട്ട് അഞ്ചര വരെ യാതൊരു എക്‌സിറ്റ് പോളുകളും നടത്തുകയോ, പ്രസിദ്ധീകരിക്കുകയോ ചെയ്യരുതെന്നാണ് തെരഞ്ഞെടുപ്പ് കമ്മിഷന്റെ നിര്‍ദേശം.

നിയമസഭാ തെരഞ്ഞെടുപ്പു മാത്രമല്ല പഞ്ചാബിലെ അമൃത്‌സര്‍ ലോക്‌സഭാ മണ്ഡലത്തിലേക്ക് നടക്കുന്ന ഉപതെരഞ്ഞെടുപ്പിനും വിലക്ക് ബാധകമായിരിക്കുമെന്ന് കമ്മിഷന്‍ അറിയിച്ചു.