തിരുവനന്തപുരം: അധികാര ശക്തികളെ നിയന്ത്രിക്കേണ്ടവര്‍ അതിന് കീഴടങ്ങരുതെന്ന് സി.പി.എം പോളിറ്റ് ബ്യൂറോ അംഗം വി.എസ് അച്യുതാനന്ദന്‍. ലോ അക്കാദമിയുടെ ആവശ്യത്തിലധികമുള്ള ഭൂമി തിരിച്ചു പിടിക്കണം. അധികാരശക്തികള്‍ക്ക് കീഴടങ്ങിയാല്‍ അത് വിജയിക്കില്ലെന്നും അദ്ദഹം വ്യക്തമാക്കി. അനധികൃത ഭൂമി കണ്ടെത്തേണ്ടത് വിദ്യാര്‍ഥികളുടെ കടമയല്ലെന്ന ആഭ്യന്തര മന്ത്രി കോടിയേരിയുടെ പ്രസ്താവനക്ക് പുറകെയാണ് വിഎസിന്റെ പ്രതികരണം.
പ്രശ്‌നം കുട്ടികളുടെത് മാത്രമല്ല. പൊതു പ്രശ്‌നമാണ്. വിദ്യാര്‍ഥി സമരം നീണ്ടുപോകുന്നത് ശരിയല്ലെന്നും അദ്ദേഹം വ്യക്തമാക്കി.