ലോസെന്‍: ലണ്ടന്‍ ഒളിംപിക്‌സിലെ സാംപിള്‍ പരിശോധനയില്‍ 23 താരങ്ങള്‍ ഉത്തേജക പരിശോധനയില്‍ പരാജയപ്പെട്ടെന്ന് അന്താരാഷ്ട ഒളിംപിക് സമിതി. 265 സാംപിളുകളുടെ അത്യാധുനിക പുനര്‍ പരിശോധനയിലാണ് ഇവരുടെ ഫലം പോസിറ്റീവായത്. ഇവരുടെ പേരുകള്‍ പുറത്തുവിടാനാവില്ലെന്ന് കമ്മിറ്റി വ്യക്തമാക്കി. താരങ്ങള്‍ അഞ്ച് കായിക മേഖലയില്‍ നിന്നുള്ളവരും ആറു വ്യത്യസ്ത രാജ്യങ്ങളില്‍ നിന്നുള്ളവരുമാണ്. നേരത്തെ ബെയ്ജിങ് ഒളിംപിക്‌സിലെ സാംപിളുകളുടെ പുനഃ പരിശോധനയില്‍ 31 താരങ്ങള്‍ ഉത്തേജകം ഉപയോഗിച്ചതായി കണ്ടെത്തിയിരുന്നു.