ചേളാരി: മദ്‌റസകള്‍ ശക്തിപ്പെടുത്താന്‍ മാനേജ്‌മെന്റുകള്‍ ബദ്ധശ്രദ്ധരാവണമെന്ന് സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി കെ.ആലിക്കുട്ടി മുസ്‌ലിയാര്‍ പറഞ്ഞു. ചേളാരി സമസ്താലയത്തില്‍ ചേര്‍ന്ന സമസ്ത കേരള മദ്‌റസാ മാനേജ്‌മെന്റ് അസോസിയേഷന്‍ സംസ്ഥാന കൗണ്‍സില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
മറ്റു പ്രദേശങ്ങളില്‍ നിന്ന് വ്യത്യസ്തമായി ഇന്ന് കേരളത്തില്‍ കാണുന്ന ധാര്‍മികബോധത്തിന്റെ ആണിക്കല്ല് മദ്‌റസകളാണ്. ഭൗതിക വിദ്യാഭ്യാസത്തോടുള്ള അമിതഭ്രമവും മതപഠനത്തോടുള്ള വിരക്തിയും സമൂഹത്തില്‍ അരക്ഷിതാവസ്ഥ സൃഷ്ടിക്കുന്നതിന് കാരണമാവുമെന്നും അദ്ദേഹം പറഞ്ഞു.
സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ അധ്യക്ഷനായി. കെ.ടി ഹംസ മുസ്‌ലിയാര്‍, കെ. ഉമര്‍ ഫൈസി മുക്കം, സയ്യിദ് സാബിഖലി ശിഹാബ് തങ്ങള്‍, കെ.കെ.എസ് തങ്ങള്‍ വെട്ടിച്ചിറ, കെ.പി.പി തങ്ങള്‍, അബ്ദുസ്സമദ് പൂക്കോട്ടൂര്‍, പി.എ ജബ്ബാര്‍ ഹാജി, കൊടക് അബ്ദുറഹ്മാന്‍ മുസ്‌ലിയാര്‍, ഷാഹുല്‍ഹമീദ് മാസ്റ്റര്‍ മേല്‍മുറി, എം.എ ചേളാരി, എസ്.കെ ഹംസ ഹാജി, കെ.പി കോയ, കാളാവ് സൈതലവി മുസ്‌ലിയാര്‍, മുഹമ്മദ് ഹനീഫ അന്തമാന്‍ പ്രസംഗിച്ചു.
ജനറല്‍ സെക്രട്ടറി കെ.എം. അബ്ദുല്ല മാസ്റ്റര്‍ കൊട്ടപ്പുറം സ്വാഗതവും മാനേജര്‍ കെ. മോയിന്‍കുട്ടി മാസ്റ്റര്‍ നന്ദിയും പറഞ്ഞു.