കോഴിക്കോട്: ജലസംരക്ഷണ സന്ദേശവുമായി പട്ടംപറത്തല്‍ മത്സരം സംഘടിപ്പിക്കുന്നു. ഫെബ്രുവരി 7 ന് വൈകിട്ട് നാലിന് ബീച്ചിലാണ് മത്സരം നടക്കുകയെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ലയണ്‍സ് ഇന്റര്‍നാഷണലിന്റെ ശതാബ്ദി ആഘോഷത്തിന്റെ ഭാഗമായി യുവജന വിഭാഗമായ ലിയോ ക്ലബ്ബാണ് പട്ടംപറത്തല്‍ മത്സരം സംഘടിപ്പിക്കുന്നത്. മികച്ച ജലസംരക്ഷണ സന്ദേശം പ്രദര്‍ശിപ്പിക്കുന്ന പട്ടത്തിനും ഏറ്റവും ഉയരത്തില്‍ പറത്തുന്ന പട്ടത്തിനും പ്രത്യേക സമ്മാനങ്ങള്‍ നല്‍കും. മത്സരത്തില്‍ പങ്കെടുക്കാന്‍ താല്‍പര്യമുളളവര്‍ രജിസ്‌ട്രേഷനായി 9349101524, 9895043193 എന്നീ നമ്പറില്‍ ബന്ധപ്പെടണം. എ.എം രമേശ്, അബ്ദുല്ല മാളിയേക്കല്‍, സുബൈര്‍ കൊളക്കാടന്‍, ഹാഷീം കടക്കലകം പങ്കെടുത്തു.