കല്‍പ്പറ്റ: രാഷ്ട്രപിതാവിനെ നിന്ദിക്കുന്ന പുതിയകാലത്ത് ചരിത്ര ബോധമുള്ള വിദ്യാര്‍ഥികള്‍ ഉണര്‍ന്നിരിക്കണമെന്ന് എം.എസ്.എഫ് സംസ്ഥാന ജനറല്‍ സെക്രട്ടറി എം.പി നവാസ് പറഞ്ഞു.
എം.എസ്.എഫ് കല്‍പ്പറ്റ നിയോജക മണ്ഡലം കമ്മിറ്റി സംഘടിപ്പിച്ച ഫാസിസ്റ്റ് വിരുദ്ധ ദിനാചരണവും സായാഹ്ന സദസ്സും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പ്രസിഡന്റ് മുനീര്‍ വടകര അധ്യക്ഷനായി.
ദേശീയ കമ്മിറ്റി അംഗം സി.എച്ച് ഫസല്‍ മുഖ്യപ്രഭാഷണം നടത്തി. സംസ്ഥാന പ്രവര്‍ത്തക സമിതി അംഗം എം.പി ഹഫീസലി, അബ്ബാസ് വാഫി, ഇസ്മായില്‍ മാണ്ടാട്, അനസ് വെങ്ങപ്പള്ളി, ജിഷാം അരപ്പറ്റ, സുബൈര്‍ കോട്ടത്തറ, ആഷിഖ് മേപ്പാടി, അജ്മല്‍ കമ്പളക്കാട് സംസാരിച്ചു.
ജനറല്‍ സെക്രട്ടറി ഷംസീര്‍ ചോലക്കല്‍ സ്വാഗതവും ട്രഷറര്‍ ജവാദ് വൈത്തിരി നന്ദിയും പറഞ്ഞു.
സുല്‍ത്താന്‍ ബത്തേരി: നൂല്‍പ്പുഴ പഞ്ചായത്ത് എം.എസ്.എഫിന്റെ ആഭിമുഖ്യത്തില്‍ നടത്തിയ ദിനാചരണം പഞ്ചായത്ത് ലീഗ് പ്രസിഡന്റ് ടി. അവറാന്‍ ഉദ്ഘാടനം ചെയ്തു. ഉനൈസ് ടി അധ്യക്ഷനായി. എം.എ അസൈനാര്‍, വി.എം അബൂബക്കര്‍, എം.എ ഷൗക്കത്തലി, എന്‍.സി റഷീദ് സംസാരിച്ചു.