പെരുമ്പാവൂര്‍: നോര്‍ത്ത് ഏഴിപ്രം ഗവ. യു.പി സ്‌കൂള്‍ വാര്‍ഷികവും അങ്കണവാടി കലോത്സവവും ഇന്നസെന്റ് എം.പി ഉദ്ഘാടനം ചെയ്തു. വാഴക്കുളം ഗ്രാമപഞ്ചായത്ത് പ്രസിഡന്റ് വിജി സണ്ണി അധ്യക്ഷത വഹിച്ചു. സര്‍വീസില്‍ നിന്നും വിരമിക്കുന്ന റ്റി.എ ഹംസ സാറിനുള്ള യാത്രയയപ്പ് സമ്മേളനം വാഴക്കുളം ബ്ലോക്ക് മെമ്പര്‍ നൂര്‍ജ്ജഹാന്‍ സക്കീര്‍ ഉദ്ഘാടനം ചെയ്തു.
വിവിധ എന്‍ഡോവ്‌മെന്റുകളുടെ വിതരണം വാര്‍ഡ് മെമ്പര്‍ പി.കെ മണിയും മികച്ച കുട്ടികള്‍ക്കുള്ള സമ്മാനങ്ങള്‍ പഞ്ചായത്ത് വൈസ് പ്രസിഡന്റ് നിഷ അലിയാരും വിതരണം ചെയ്തു. ജില്ലാതല മേളകളില്‍ വിജയിച്ചവര്‍ക്ക് എ.ഇ.ഒ കെ.വി ഉണ്ണികൃഷ്ണനും വിരമിക്കുന്ന ഹംസ സാറിനുള്ള ഉപഹാരം പി.റ്റി.എ പ്രസിഡന്റ് എ.കെ പരീതും നല്‍കി.
പഞ്ചായത്ത് മെമ്പര്‍മാരായ വി.എം ഷംനാദ്, സി.എ ഫൈസല്‍, എ.എസ് ഖാദര്‍കുഞ്ഞ്, നസീര്‍ കാക്കനാട്ടില്‍, ഫാത്തിന ജബ്ബാര്‍, ഷെറീന ബഷീര്‍, അനീസ ഇസ്മായില്‍, മാറംമ്പിള്ളി സര്‍വ്വീസ് സഹകരണ ബാങ്ക് പ്രസിഡന്റ് കെ.എ അബ്ദുല്‍ അസീസ്, വി.എച്ച് അബു, അനസ് താഴത്താന്‍, എന്‍.ബി രാമചന്ദ്രന്‍, എന്‍.ആര്‍ ഗോപാലകൃഷ്ണന്‍ എന്നിവര്‍ സംസാരിച്ചു. ഹഡ്മാസ്റ്റര്‍ എന്‍.മോഹന്‍ദാസ് സ്വാഗതവും സ്റ്റാഫ് സെക്രട്ടറി എന്‍.കെ വത്സ നന്ദിയും പറഞ്ഞു.