തൊടുപുഴ: രാഷ്ട്രപിതാവ് മഹാത്മാഗാന്ധിയുടെ ജീവിത സന്ദേശങ്ങള്‍ക്ക് കൂടുതല്‍ കരുത്തുപകരണമെന്ന് കേരളാ കോണ്‍ഗ്രസ് (എം) വര്‍ക്കിങ് ചെയര്‍മാന്‍ പി.ജെ ജോസഫ് എം.എല്‍.എ പറഞ്ഞു. ഗാന്ധിജിയോടുള്ള അനാദരവ് സ്ഥാനത്തും അസ്ഥാനത്തും തുടര്‍ന്നു വരുന്നതില്‍ ഭാരത ജനത ദുഃഖിക്കുന്നതായും പി.ജെ ജോസഫ് പറഞ്ഞു.
69-ാം രക്തസാക്ഷി ദിനാചരണത്തിന്റെ ഭാഗമായി കാര്‍മല്‍ ജങ്ഷനിലെ ഗാന്ധിപ്രതിമയില്‍ പുഷ്പാര്‍ച്ചന നടത്തി സംസാരിക്കുകയായിരുന്നു അദ്ദേഹം.
കേരളാ കോണ്‍ഗ്രസ് (എം) ജില്ലാ പ്രസിഡന്റ് പ്രൊഫ. എം.ജെ ജേക്കബ്ബ്, എം. മോനിച്ചന്‍, ജയകൃഷ്ണന്‍ പുതിയേടത്ത്, ബൈജു വറവുങ്കല്‍, ഫിലിപ്പ് ചേരിയില്‍, മനോഹര്‍ നടുവിലേടത്ത്, ക്ലമന്റ് ഇമ്മാനുവേല്‍, അപ്പച്ചന്‍ ഓലിക്കരോട്ട്, എ.എസ് ജയന്‍ പങ്കെടുത്തു.