മണ്ണഞ്ചേരി: മണ്ണഞ്ചേരി പടിഞ്ഞാറെ മഹല്ല് എസ്.വൈ.എസ്, എസ്.കെ. എസ്.എഫ്. യൂണിറ്റ് കമ്മിറ്റിയുടെ ആഭിമുഖ്യത്തില്‍ കോട്ടുമല ബാപ്പു മുസ്‌ലിയാര്‍ അനുസ്മരണവും മജ്‌ലിസുന്നൂര്‍ ആത്മീയ സംഗമവും നടത്തി.
എസ്.വൈ.എസ് യൂണിറ്റ് പ്രസിഡന്റ് ബഷീര്‍ ഇടത്തിണ്ണ അധ്യക്ഷത വഹിച്ച സമ്മേളനം മഹല്ല് ഖത്വീബ് ഐ.ബി ഉസ്മാന്‍ ഫൈസി ഉദ്ഘാടനം ചെയ്തു. സക്കീര്‍ ഹുസൈന്‍ അല്‍ അസ്ഹരി ആറാട്ടുപുഴ അനുസ്മരണ പ്രഭാഷണവും എസ്.കെ.ജെ.എം റെയ്ഞ്ച് പ്രസിഡന്റ് യു.മുഹമ്മദ് ഹനീഫ ബാഖവി ആമുഖ പ്രഭാഷണവും നടത്തി.
എസ്.കെ.ജെ.എം മണ്ണഞ്ചേരി റെയ്ഞ്ച് ജനറല്‍ സെക്രട്ടറി ടി.എച്ച്. ജഅഫര്‍ മൗലവി, സുന്നി മഹല്ല് ഫെഡറേഷന്‍ ജില്ലാ പ്രസിഡന്റ് കുന്നപ്പള്ളി മജീദ്, മദ്‌റസാ മാനേജ്‌മെന്റ് അസോസിയേഷന്‍ ജില്ലാ ജനറല്‍ സെക്രട്ടറി എം.മുജീബ് റഹ് മാന്‍, എസ്.കെ.എസ് ബി.വി. ജില്ലാ പ്രസിഡന്റ് ഷഫീക്ക് മണ്ണഞ്ചേരി, എസ്.വൈ .എസ്.മേഖലാ പ്രസിഡന്റ് എസ്.മുഹമ്മദ് സ്വാലിഹ്, തെക്കേമുറി മേഖലാ സെക്രട്ടറി ഇ .എച്ച്.ഷാജഹാന്‍, എസ്.കെ.എസ്.എസ്.എഫ് മേഖലാ സെക്രട്ടറി നൗഫല്‍ കൊല്ലശ്ശേരി, സഫീര്‍ മുസ്‌ലിയാര്‍, ജമാലുദ്ദീന്‍ ഫൈസി, നിഷാദ് അന്‍വരി, മാഹീന്‍ പനക്കല്‍, സബീര്‍ ബഷീര്‍ തുടങ്ങിയവര്‍ സംസാരിച്ചു.
പ്രതിമാസ മജ്‌ലിസുന്നൂര്‍ ആത്മീയ സംഗമം മാസാവസാനം ഓരോ ഭവനങ്ങളിള്‍ നടത്തുമെന്നും ഭാരവാഹികള്‍ അറിയിച്ചു.